ପାଟଣା : ପାଟଣା ବ୍ଲକ ଅଞ୍ଚଳ ତୁରମୁଙ୍ଗା ନିକଟସ୍ଥ ଝାରବେଡା ଗ୍ରାମର ତ୍ରିଲୋଚନ ବାରିକଙ୍କ ଝିଅ ଅର୍ଚ୍ଚନା ବାରିକ ଓଡିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ସେ ୧୬୩ ର୍ୟାଙ୍କରେ ଏହି ସଫଳତା ପାଇଛନ୍ତି । ଅର୍ଚ୍ଚନା ଦଶମ ପର୍ଯ୍ୟନ୍ତ ତୁରୁମୁଙ୍ଗା ସରସ୍ୱତୀ ଶିଶୁ ବିଦ୍ୟାମନ୍ଦିର, +୨ ବିଜ୍ଞାନ ଯାଜପୁରରୋଡ ସ୍ଥିତ ଏକସେଲସିୟର ଜୁନିୟର କଲେଜ ଓ +୩ ବିଜ୍ଞାନ ଧରଣୀଧର ସୟଂଶାସିତ ମହାବିଦ୍ୟାଳୟରେ ଅଧ୍ୟୟନ କରିଥିଲେ। +୩ ରେ ସଫଳତା ସହ ଉତ୍ତୀର୍ଣ୍ଣ ପରେ ସେ ଗାଁରେ ରହି ଓଡିଶା ପ୍ରଶାସନିକ ସେବା ପାଇଁ ପ୍ରସ୍ତୁତି କରୁଥିଲେ। ବିଦ୍ୟାଳୟ ସମୟରୁ ସେ ମେଧାବୀ ଓ ନମ୍ର ସ୍ୱଭାବର ଥିଲେ । ତାଙ୍କ ପିତା ତ୍ରିଲୋଚନ ବାରିକ ତୁରୁମୁଙ୍ଗା ଛକରେ ବ୍ୟବସାୟ କରୁଥିବାବେଳେ ମାତା ପ୍ରମିଳା ବାରିକ ଗୃହିଣୀ ଅଟନ୍ତି। ତାଙ୍କ ସଫଳତା ପାଇଁ ସେ ପିତା ମାତା, ଗୁରୁଜନ, ଗୁରୁଜି ଗୁରୁମା ମାନଙ୍କୁ ଶ୍ରେୟ ଦେଇଛନ୍ତି । ତାଙ୍କ ସଫଳତାରେ ସ୍ଥାନୀୟ ତୁରୁମୁଙ୍ଗା ଅଂଚଳବାସୀ ଖୁସିବ୍ୟକ୍ତ କରିବା ସହ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
Comments are closed.