ନୂଆପଡା: ବାଇକକୁ ଧକ୍କା ଦେଲା ଟ୍ରକ୍। ନୂଆପଡା ଏକତା ଛକରେ ମର୍ମନ୍ତୁଦ ଦୁର୍ଘଟଣା ଘଟିଛି। ଟ୍ରାଫିକ୍ ସିଗନାଲ୍ ଅତିକ୍ରମ କଲା ବେଳେ ବାଇକକୁ ଧକ୍କା ଦେଲା ଟ୍ରକ୍। ମିଳିଥିବା ସୂଚନା ଅନୁସାରେ ଆଜି ସକାଳୁ ସ୍ଵାମୀ ସ୍ତ୍ରୀ ଏକ ବାଇକରେ ଖରିଆର ରୋଡ୍ ପଟେ ଯାଉଥିଲେ। ଏକତା ଛକରେ ବିପରୀତ ଆଡୁ ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ଆସି ବାଇକକୁ ଧକ୍କା ଦେଇଥିଲା। ଦୁର୍ଘଟଣାରେ ସ୍ତ୍ରୀଙ୍କର ମୃତ୍ୟୁ ଘଟିଥିବାବେଳେ ସ୍ଵାମୀ ଗୁରୁତର ଭାବେ ଆହତ ହୋଇଛନ୍ତି। ମୃତକ ରୁକ୍ମିଣୀ ସାହୁ ବୋଲି ଜଣାପଡିଛି। ଗୁରୁତର ସ୍ଵାମୀ ଛବିଲାଲଙ୍କୁ ତୁରନ୍ତ ଉଦ୍ଧାର କରାଯାଇ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.