ନୂଆଦିଲ୍ଲୀ : ଦିଲ୍ଲୀ-ଏନସିଆରରେ ରହୁଥିବା ଲୋକମାନେ ନିଜ ଅଫିସ ଯିବା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି । ଏହାର ମୁଖ୍ୟ କାରଣ ଟ୍ରାଫିକ୍ ସମସ୍ୟା । କିନ୍ତୁ ଖୁବ୍ ଶୀଘ୍ର ଏହି ସମସ୍ୟାର ସମାଧାନ ହେବ । ବଜାରକୁ ଏମିତି ଏୟାର ଟ୍ୟାକ୍ସି ଆସିବାକୁ ଯାଉଛି ଯେଉଁଥିରେ ମାତ୍ର କିଛି ସମୟରେ ଆପଣ ଅଫିସରେ ପହଞ୍ଚି ପାରିବେ ।
ଗ୍ରେଟର ନୋଏଡାର ଇଣ୍ଡିଆ ଏକ୍ସପୋ ମାର୍ଟରେ ବ୍ଲୁଜ୍ ଏରୋ କମ୍ପାନୀ ନିଜର ଏହି ଏୟାର ଟ୍ୟାକ୍ସି ପ୍ରଦର୍ଶିତ କରିଛି । ପ୍ରଯୁକ୍ତିବିଦ୍ୟା ଓ ଆରାମକୁ ନଜରରେ ରଖି ଏହାକୁ ପ୍ରସ୍ତୁତ କରାଯାଇଛି । ଏଥିରେ କମ୍ ସମୟରେ ଏବଂ ଅତି ସୁରକ୍ଷିତ ଭାବେ ଆପଣ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଉଡି ଯାଇପାରିବେ ।
BluJ Aero is proud to have done the first ever demo of this kind that our country has seen. Flight demo of our Gen 1 eVTOL Aircraft, conceptualised, designed and built in Hyderabad, India. #MadeInIndia #BluJAero
Next up : our Hydrogen-electric powered autonomous cargo VTOL… https://t.co/N6BeeZLkNr— BluJ Aerospace Private Limited (@BlujAero) January 20, 2025
ବ୍ଲୁଜ୍ ଏରୋ କମ୍ପାନୀର ସିଇଓ ଅମର କହିଛନ୍ତି କି ଗ୍ରେଟର ନୋଏଡାରୁ ଦିଲ୍ଲୀ ଅଧିକ ଦୂର ନୁହେଁ । ତଥାପି ଏହି ରାସ୍ଥାରେ ଟ୍ରାଫିକ୍ ଜାମ୍ ପାଇଁ ଘଣ୍ଟା ଘଣ୍ଟା ସମୟ ନଷ୍ଟ ହୁଏ । ଏୟାର ଟ୍ୟାକ୍ସି ଦ୍ବାରା ଅନେକ ସମୟ ବଞ୍ଚିବ । ଥରେ ଚାର୍ଜ କଲେ ଏହା ୬୦୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରିବ । ଅର୍ଥାତ୍ ଥରେ ଚାର୍ଜ କଲେ ଏଥିରେ ଦିଲ୍ଲୀରୁ ଲକ୍ଷ୍ନୌ ଯାଇପାରିବ । ଦିଲ୍ଲୀରୁ ଗ୍ରେଟର ନୋଏଡା ଯାତ୍ରା ପାଇଁ ଗ୍ରାହକଙ୍କୁ ୨ ହଜାରରୁ ୨୨୦୦ ଟଙ୍କା ମଧ୍ୟରେ ଖର୍ଚ୍ଚ କରିବାକୁ ହେବ ।
