ଭୁବନେଶ୍ୱର : ସ୍କୁଲ ଛାତ୍ରଛାତ୍ରୀଙ୍କ ପାଇଁ ମାଗଣା ବସ ସେବାକୁ ଅନୁମୋଦନ ମିଳିଛି। ଯେଭଳି ଅଧିକରୁ ଅଧିକ ପିଲା ବସ ସେବା ପାଇ ପାରିବେ, ସେ ନେଇ ଗୁରୁତ୍ୱ ଦିଆଯାଇଛି। ଛାତ୍ରଛାତ୍ରୀ ଯାଉଥିବା ରୁଟ ଓ ସମୟକୁ ଗୁରୁତ୍ବ ଦେବାକୁ ଓଡ଼ିଶା ରାଜ୍ୟ ପରିବହନ ନିଗମ – ଓଏସଆରଟିସିକୁ ଅନୁରୋଧ କରାଯାଇଛି।
ସମସ୍ତ ସ୍କୁଲ ଛାତ୍ର ଛାତ୍ରୀ ନିଜର ଆଇଡି କାର୍ଡ ଦେଖାଇ ଓ ୟୁନିଫର୍ମ ପିନ୍ଧି ବସରେ ମାଗଣା ଯାଇପାରିବେ। ସମସ୍ତ ବିଦ୍ୟାଳୟର ଛାତ୍ରଛାତ୍ରୀ ଏହି ମାଗଣା ବସ ସେବା ପାଇପାରିବେ। ଏହି ବ୍ୟବସ୍ଥା ପାଇଁ ବାଣିଜ୍ୟ ଓ ପରିବହନ ବିଭାଗକୁ ଗଣଶିକ୍ଷା ବିଭାଗ ଚିଠି ଲେଖିଛି।
