ନୀତିଶଙ୍କ ଇସ୍ତଫା ; ୨୦ରେ ଶପଥ ନେବ ନୂଆ ସରକାର !
ସମାଜ ଲାଇଭ ଡ଼େସ୍କ : ବିହାରର ଆଗାମୀ ମୁଖ୍ୟମନ୍ତ୍ରୀ ଓ ଶପଥ ପାଠକୁ ନେଇ ଉଠିଥିବା ଦ୍ଵନ୍ଦକୁ ସାମାନ୍ୟ ହାଲୁକା କରିଛନ୍ତି ବିହାର ବିଜେପି ସଭାପତି । ଆଗାମୀ ୨୦ରେ ନୂଆ ସରକାର ଶପଥ ନେବା ସମ୍ଭାବନା ଥିବା ଉତ୍ତର ରଖିଛନ୍ତି ବିଜେପି ନେତା ।
ବିହାର ନିର୍ବାଚନ ପରେ ଆଗାମୀ ସରକାରଙ୍କ ଶପଥ ପଥ ପ୍ରଶ୍ନରେ ଉତ୍ତର ରଖିଛନ୍ତି ରାଜ୍ୟ ବିଜେପି ସଭାପତି ଦିଲୀପ ଜୟସୱାଲ । ସେ କହିଛନ୍ତି , ସମ୍ଭବତଃ, ନୂତନ ସରକାରଙ୍କ ଶପଥ ଗ୍ରହଣ ସମାରୋହ ନଭେମ୍ବର ୨୦ କିମ୍ବା୨୧ ରେ ଅନୁଷ୍ଠିତ ହେବ । ବିଜେପି ନେତା ପ୍ରେମ କୁମାର ମଧ୍ୟ କହିଛନ୍ତି ଯେ , ନବଗଠିତ ସରକାରଙ୍କ ଶପଥ ଗ୍ରହଣ ସମାରୋହ ୨୦ ନଭେମ୍ବରରେ ଗାନ୍ଧୀ ମଇଦାନରେ ଅନୁଷ୍ଠିତ ହେବ । ୧୯ ତାରିଖରେ ବର୍ତ୍ତମାନର ସରକାର ଭାଙ୍ଗିଯିବ । ପ୍ରଧାନମନ୍ତ୍ରୀ ମୋଦୀ ଏବଂ ଲକ୍ଷ ଲକ୍ଷ ଲୋକ ଐତିହାସିକ ଶପଥ ଗ୍ରହଣ ଉତ୍ସବରେ ଯୋଗଦେବେ । ଆଜି ନୀତିଶ ସରକାରଙ୍କ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା । ୧୦ମିନିଟ ଧରି ଏହି ବୈଠକ ଚାଲିଥିଲା ବେଳେ ନୀତିଶ ଏହାର ଅଧ୍ୟକ୍ଷତା କରିଥିଲେ । ବୈଠକରେ ସରକାର ଭାଙ୍ଗିବାକୁ ପ୍ରସ୍ତାବ ସର୍ବସମ୍ମତିକ୍ରମେ ଗୃହୀତ ହୋଇଥିଲା । ବୈଠକ ପରେ ରାଜ୍ୟପାଳ ଆରିଫ୍ ମହମ୍ମଦ ଖାନଙ୍କୁ ଭେଟିଥିଲେ ନୀତିଶ । ନିଜ ଇସ୍ତଫା ପତ୍ର ଦେବା ସହ ଆଗାମୀ ୧୯ ତାରିଖରେ ସରକାର ଭାଙ୍ଗିବେ ବୋଲି ବିଜେପି ନେତା ସୂଚନା ଦେଇଥିଲେ ।
