ନୂଆଦିଲ୍ଲୀ: ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀ ଆଜି ନୂଆଦିଲ୍ଲୀରେ ବିଶ୍ୱର ସର୍ବାଧୁନିକ ପ୍ରଦୂଷଣ ମୁକ୍ତ ହାଇଡ୍ରୋଜେନ୍ ଫୁଏଲ୍ ସେଲ୍ ଇଲେକ୍ଟ୍ରିକ୍ ଯାନ – ଟୋୟଟା ମିରାଇର ଶୁଭାରମ୍ଭ କରିଛନ୍ତି। ସେ କହିଛନ୍ତି, ଫସିଲ ଇନ୍ଧନ ଉପରୁ ନିର୍ଭରଶୀଳତା ହ୍ରାସ କରି ପରିବେଶର ସୁରକ୍ଷା ଓ ପ୍ରଦୂଷଣ ମୁକ୍ତ ଶକ୍ତି ଉତ୍ପାଦନ ସକାଶେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହା ଭାରତକୁ ୨୦୪୭ ସୁଦ୍ଧା ଶକ୍ତି ଉତ୍ପାଦନରେ ଆତ୍ମନିର୍ଭରଶୀଳ କରାଇବ।
କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ, ଆର୍.କେ. ସିଂହ, ମହେନ୍ଦ୍ରନାଥ ପାଣ୍ଡେ, ଟୋୟଟା କିର୍ଲୋସ୍କର୍ ମୋଟର୍ ପରିଚାଳନା ନିର୍ଦ୍ଦେଶକ ମାସାକାଜୁ ଓଶିମୁରା ଓ ଭାଇସ୍ ଚେୟାର୍ମ୍ୟାନ୍ ବିକ୍ରମ କିର୍ଲୋସ୍କର୍ ସେଠାରେ ଉପସ୍ଥିତ ଥିଲେ। ସଡ଼କ ପରିବହନ ମନ୍ତ୍ରଣାଳୟ କହିଛି, ଟୋୟଟା କିର୍ଲୋସ୍କର୍ ମୋଟର ଏବଂ ଇଣ୍ଟରନ୍ୟାସନାଲ୍ ସେଣ୍ଟର୍ ଫର୍ ଅଟୋମେଟିକ୍ ଟେକ୍ନୋଲୋଜି ବିଶ୍ୱର ସର୍ବାଧୁନିକ ଫୁଏଲ୍ସେଲ୍ ଇଲେକ୍ଟ୍ରିକ୍ ଯାନ ଟୋୟଟା ମିରାଇଲ୍ର ନିର୍ମାଣ ପାଇଁ ଏକ ପ୍ରକଳ୍ପ ଆରମ୍ଭ କରୁଛନ୍ତି। ଏହି ଯାନ ହାଇଡ୍ରୋଜେନର ଭାରତୀୟ ସଡ଼କରେ ଚାଲିପାରିବ। ମନ୍ତ୍ରଣାଳୟ କହିଛି, ଏହା ହେଉଛି ଦେଶରେ ଏ ଧରଣର ପ୍ରଥମ ପ୍ରକଳ୍ପ। ଏହା ପ୍ରଦୂଷଣ ମୁକ୍ତ ହାଇଡ୍ରୋଜେନ୍ର ବ୍ୟବହାର କରି ଯାନବାହାନ ଚଳାଚଳକୁ ସୁଗମ କରିବ।
