କୁରୁକ୍ଷେତ୍ର: ହରିୟାଣା କୁରୁକ୍ଷେତ୍ରସ୍ଥିତ ନେସନାଲ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିର ହଷ୍ଟେଲ ଅନ୍ତେବାସୀଙ୍କୁ ବିନା ନିମନ୍ତ୍ରଣରେ ସହରର କୌଣସି ବାହାଘର କିମ୍ବା ଭୋଜିକୁ ନ ଯିବା ପାଇଁ କଡା ନିର୍ଦ୍ଦେଶ ଦେଇଛନ୍ତି। ଏହି ମର୍ମରେ ହଷ୍ଟେଲର ମୁଖ୍ୟ ଅଧିକାରୀଙ୍କ ଦ୍ୱାରା ଜାରୀ କରାଯାଇଥିବା ଏକ ନୋଟିସ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ଯେଉଁଥିରେ ବିନା ନିମନ୍ତ୍ରଣରେ କାହା ବାହାଘର କିମ୍ବା ଭୋଜିକୁ ଗଲେ କଡା ପଦକ୍ଷେପ ନିଆଯିବ ବୋଲି କୁହାଯାଇଛି। ନୋଟିସରେ ଆହୁରି ମଧ୍ୟ କୁହାଯାଇଛି ଯେ, କିଛି ଛାତ୍ର ସହରରେ ହେଉଥିବା ବାହାଘର ଓ ଭୋଜିକୁ ବିନା ନିମନ୍ତ୍ରଣରେ ଯାଉଛନ୍ତି ଯାହା ଅନୈତିକ, ଅଵିଵେକୀ ଓ ଅବାଂଛିତ କାର୍ଯ୍ୟ ଅଟେ ତେଣୁ ଛାତ୍ରମାନେ ସେଭଳି କାର୍ଯ୍ୟକଳାପରୁ ଦୁରେଇ ରୁହନ୍ତୁ।
ଏହି ନୋଟିସ ମାର୍ଚ୍ଚ ୧୬ରେ ଜାରି କରାଯାଇଥିବା ବେଳେ ଏହାର ସତ୍ୟସତ୍ୟକୁ କିଛି ଛାତ୍ର ଗ୍ରହଣ ମଧ୍ୟ କରିଛନ୍ତି କିନ୍ତୁ ପ୍ରତିଷ୍ଠାନର ସୂଚନା ଅଧିକାରୀ ଏଭଳି ନୋଟିସ ବିଷୟରେ କିଛି ଜାଣି ନ ଥିବା କହିଛନ୍ତି।
