ନୀଳଗିରି: ନୀଳଗିରି ବିଧାୟକ ସୁକାନ୍ତ ନାୟକ ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେବାର ମାତ୍ର କିଛିଘଣ୍ଟା ପରେ ବାଲେଶ୍ୱର ଜିଲା ବିଜେପି ଉପସଭାପତି ଗଙ୍ଗାଧର ମିଶ୍ର ମଧ୍ୟ ଦଳରୁ ଇସ୍ତଫା ଦେଇଛନ୍ତି । ଏନେଇ ସେ ଜିଲା ବିଜେପି ସଭାପତି ଉମାକାନ୍ତ ମହାପାତ୍ରଙ୍କୁ ଇସ୍ତଫା ପତ୍ର ପ୍ରଦାନ କରିଛନ୍ତି । ଆଗକୁ ସୁକାନ୍ତଙ୍କ ଅନୁଗତ କର୍ମୀ ଅର୍ଥାତ ଯେଉଁମାନେ ବିଜେପିର ପଦ ପଦବୀରେ ରହିଥିଲେ ସେମାନେ ସମୂହ ଇସ୍ତଫା ଦେବେ ବୋଲି ଏକପ୍ରକାର ଚୂଡ଼ାନ୍ତ ହୋଇଥିବା ସୂଚନା ମିଳିଛି ।
ସୂଚନା ଯେ, ସୁକାନ୍ତ ୨୦୧୪ରେ ବିଜେଡିରେ ଥିବା ବେଳେ, ପୁଣି ୨୦୧୯ରେ ବିଜେପିକୁ ଆସିବା ପରେ ମଧ୍ୟ ଜଣେ ଅନୁଗତ ତଥା ଏକାନ୍ତ ବ୍ୟକ୍ତିଗତ କର୍ମୀ କୁହାଯାଉଥିବା ଗଙ୍ଗାଧର ଆଜି ପର୍ଯ୍ୟନ୍ତ ସୁକାନ୍ତଙ୍କ ହାତ ଛାଡ଼ିନଥିବା ନେଇ ଚର୍ଚ୍ଚା ଚାଲିଛି । ଦଳ ନୁହଁ, ବରଂ ବ୍ୟକ୍ତିତ୍ୱ ତଥା ଅନ୍ତରଙ୍ଗ ବନ୍ଧୁଭାବେ ସେ ନିଜର କାର୍ଯ୍ୟ ସମ୍ପାଦନ କରି ଚାଲିଥିଲେ । ତେବେ ଏହି ଇସ୍ତଫା ପତ୍ରରେ ଉଭୟ ଦଳକୁ ଦୋଷ ନଦେଇ ବ୍ୟକ୍ତିଗତ କାରଣରୁ ଇସ୍ତଫା ଦେଇଥିବା କହିଛନ୍ତି ।
