ନୀଳଗିରି: ବରହମପୁର-ଅଯୋଧ୍ୟା ରାସ୍ତାର ନକୁଳକର ହାଟ ନିକଟରେ ଥିବା ଏକ ବାଙ୍କ ରାସ୍ତାରେ ବାଇକଟି ଗଛକୁ ପିଟିବାରୁ ଜଣେ ଯୁବକ ଗୁରୁତର ହୋଇଛନ୍ତି । ନୀଳଗିରି ବ୍ଲକ ଗରଡ଼ିହି ପଞ୍ଚାୟତ ଅଧୀନ କୁଞ୍ଚିବଣିଆ ଗାଁର ଦିଲୀପ ସିଂଙ୍କ ପୁଅ କନ୍ଦା ଓରଫ ରବୀନ୍ଦ୍ର(୨୦) ଆଜି ସନ୍ଧ୍ୟା ବେଳେ ଏକ ବାଇକରେ ବନ୍ଧୁ ଘରକୁ ଯାଉଥିଲେ । ଭାରସାମ୍ୟ ହରାଇ ଉକ୍ତ ବାଙ୍କ ରାସ୍ତାରେ ଥିବା ଗଛକୁ ଧକ୍କା ଦେଇ ଖଣ୍ଡେ ଦୂରକୁ ଛିଟିକି ପଡ଼ିଥିଲେ । ରକ୍ତ ଜୁଡୁବୁଡୁ ହୋଇ ମୁର୍ମୂଷ ଅବସ୍ଥାରେ ପଡ଼ିଥିବା ଏହି ଯୁବକଙ୍କୁ ସେଠାରୁ ଉଦ୍ଧାର କରାଯାଇ ପ୍ରଥମେ ନୀଳଗିରି ଓ ସଙ୍ଗେ ସଙ୍ଗେ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
Comments are closed.