ନୀଳଗିରି : ବାଲେଶ୍ବର ଜିଲ୍ଲାର ନୀଳଗିରି ବିଧାୟକ ସୁକାନ୍ତ ନାୟକ ସନ୍ଧ୍ୟାରେ ଅସୁସ୍ଥ ହୋଇ ପଡ଼ିଛନ୍ତି । ଶନିବାର ଦିନତମାମ ସେ ନୀଳଗିରିର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ। ଅମ୍ଳ(ଏସିଡିଟି) ସହ କ୍ଲାନ୍ତ ଲାଗିବାରୁ ତାଙ୍କୁ ବାଲେଶ୍ୱର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଜଣେ ଲୋକ ସେବକ ହିସାବରେ ଦୈନନ୍ଦିନ ଶ୍ରୀ ନାୟକ ନୀଳଗିରି ନିର୍ବାଚନମଣ୍ଡଳୀର ବିଭିନ୍ନ ଅଞ୍ଚଳକୁ ଗସ୍ତ କରି ଲୋକଙ୍କ ହାନୀ ଲାଭ ବୁଝିବା ସହ ବହୁ ସମସ୍ୟାର ସମାଧାନ କରିଥାନ୍ତି। ତେବେ ଏହି ଅସୁସ୍ଥତା ଅଂଶୁଘାତ ଜନିତ ହୋଇଥାଇପାରେ ବୋଲି ମଧ୍ୟ ଆଶଙ୍କା କରାଯାଉଛି। ତାଙ୍କୁ ଆରୋଗ୍ୟ କରିବାକୁ ଜିଲା ମୁଖ୍ୟ ଡାକ୍ତରଖାନାର ଭେଷଜ ବିଭାଗରେ ଡାକ୍ତରମାନେ ନିୟୋଜିତ ରହିଛନ୍ତି। ସେପଟେ ବିଧାୟକ ଶ୍ରୀ ନାୟକଙ୍କ ଅସୁସ୍ଥତା ଖବର ଶୁଣି ନୀଳଗିରି ଓ ବାଲେଶ୍ୱର ଜିଲାର ବିଭିନ୍ନ ମହଲରୁ ତାଙ୍କ ଆଶୁ ଆରୋଗ୍ୟ କାମନା କରାଯାଇଛି ।
Comments are closed.