ନୂଆଦିଲ୍ଲୀ : ମଧ୍ୟାହ୍ଣଭୋଜନ ସମୟରେ ଗରମ ଡାଲିରେ ପୋଡ଼ିହୋଇ ପ୍ରାଣ ହରାଇଥିବା କୋରାପୁଟ ଜିଲା ବୈପାରୀଗୁଡ଼ା ବ୍ଲକ ବାଲିଗାଁ ବାଳିକା ବିଦ୍ୟାଳୟର ନବମ ଶ୍ରେଣୀ ଛାତ୍ରୀ ବାସନ୍ତୀ ବାରିକଙ୍କ ନିକଟ ସଂପର୍କୀୟଙ୍କୁ ତିନି ଲକ୍ଷ ଟଙ୍କା କ୍ଷତିପୂରଣ ରାଶି ପ୍ରଦାନ କରିବା ଲାଗି ରାଜ୍ୟ ମୁଖ୍ୟ ସଚିବଙ୍କୁ ଜାତୀୟ ମାନବାଧିକାର ଆୟୋଗ ନିର୍ଦେଶ ଦେଇଛନ୍ତି। ଗତ ୨୧ ନଭେମ୍ବର ୨୦୧୪ରେ ଘଟିଥିବା ଏହି ଘଟଣାରେ ପୀଡ଼ିତାଙ୍କ ପରିବାରକୁ ଏକ ଲକ୍ଷ ଟଙ୍କା କ୍ଷତିପୂରଣ ରାଶି ଦିଆଯାଇଛି ବୋଲି ଆୟୋଗଙ୍କୁ ରାଜ୍ୟ ସରକାର ଜଣାଇଥିଲେ; ମାତ୍ର ଏନଏଚଆରସି ଏଥିରେ ସନ୍ତୁଷ୍ଟ ନହୋଇ କ୍ଷତିପୂରଣ ରାଶି ୧ ଲକ୍ଷରୁ ୩ ଲକ୍ଷକୁ ବୃଦ୍ଧି କରିବା ପାଇଁ ନିର୍ଦେଶ ଜାରି କରିଛନ୍ତି। ଚଳିତ ଅକ୍ଟୋବର ୧୫ ସୁଦ୍ଧା ରାଜ୍ୟ ସରକାର କ୍ଷତିପୂରଣ ରାଶି ପ୍ରଦାନ କରି ଏନଏଚଆରସିଙ୍କୁ ଜଣାଇବେ। ପ୍ରକାଶ ଯେ ମାନବାଧିକାର କର୍ମୀ ତଥା ଆଡ଼ଭୋକେଟ ରାଧାକାନ୍ତ ତ୍ରିପାଠୀ ଏହି ଘଟଣାରେ ଏନଏଚଆରସିଙ୍କ ହସ୍ତକ୍ଷେପ ଲୋଡ଼ିଥିଲେ।
ଗରମ ଡାଲିରେ ପୋଡ଼ିହୋଇ ଛାତ୍ରୀ ମୃତ୍ୟୁ ଘଟଣା : କ୍ଷତିପୂରଣ ରାଶି ୩ ଲକ୍ଷକୁ ବୃଦ୍ଧି କଲେ ଏନଏଚଆରସି
Popular Categories
Previous article
Next article