ମୋହନା: ଗଜପତି ଜିଲ୍ଲା ମୋହନା ବ୍ଲକର ୩୯ଟି ପଂଚାୟତରେ ବସବାସ କରୁଥିବା ଏକ ନିର୍ଦ୍ଦିଷ୍ଟ ଖ୍ରୀଷ୍ଟିଆନ ସଂପ୍ରଦାୟର ଲୋକେ ବିଭିନ୍ନ ସମୟରେ ସରକାରୀ ଯୋଜନାରୁ ବଞ୍ଚିତ ରହିଥିବା ଅଭିଯୋଗ କରିଛନ୍ତି। ଏପରିକି ସେମାନଙ୍କୁ ଚାକିରୀ କ୍ଷେତ୍ରରେ ହେଉ କିମ୍ୱା ପିଲାଙ୍କୁ ପାଠ ପଢିବାରେ ମଧ୍ୟ ସରକାର କୌଣସି ସୁବିଧା ଯୋଗାଇ ଦେଉ ନାହାନ୍ତି। ଯାହାଦ୍ୱାରା ଅନେକ ପିଲା ପାଠପଢ଼ାରୁ ବଞ୍ଚିତ ହେଉଛନ୍ତି। ସରକାର ଅଧିବାସୀମାନଙ୍କୁ ମାନଙ୍କୁ ବିଭିନ୍ନ କ୍ଷେତ୍ରରେ ସୁବିଧା ସୁଯୋଗ ଯୋଗାଇ ଦେଉଛନ୍ତି।
ସେହି ଖ୍ରୀଷ୍ଟିଆନ ସଂପ୍ରଦାୟର ଲୋକମାନଙ୍କୁ ମଧ୍ୟ ସରକାର ଗୁରୁତ୍ବ ଦେବା ଦରକାର ବୋଲି ମତବ୍ୟକ୍ତ କରିଛନ୍ତି। ଜମି ଚିହ୍ନଟ ହେଉ କିମ୍ବା ସରକାରୀ ଜମି ଦଖଲ ହେଉ ସବୁ କ୍ଷେତ୍ରରେ ସେମାନେ ଆଦିବାସୀମାନଙ୍କର ଶିକାର ହେଉଛନ୍ତି। ତେଣୁ ଆଦିବାସୀମାନଙ୍କ ପାଇଁ ଯେଭଳି ଏକ ଆଇନ ଲାଗୁ କରାଯାଇଛି ଏବଂ କୋଟା ଦିଆଯାଇଛି ସେହିଭଳି ଏକ ଆଇନ ଲାଗୁ କରିବା ପାଇଁ ପ୍ରଥମେ ଉତ୍କଳ ପାଣ ଖ୍ରୀଷ୍ଟିଆନ ସମାଜ ଦାବି କରିଛି। ଏହି ବୈଠକକୁ ପରିଚାଳନା କରିଥିଲେ ଯୁବ ସମାଜସେବୀ ପ୍ରେମା ନାୟକ, ସୁରେଶ କୁମାର, ସାଗର ବଳିଆର ସିଂ, ଉଦୟ ନାଥ ନାୟକ, ଯିରିମିୟ ନାୟକ । ଏହି ବୈଠକରେ ସଭାପତି ଭାବେ ଦାୟିତ୍ଵ ଗ୍ରହଣ କରିଥିଲେ ଭକ୍ତନାଥ ସଭାପତି।
