ହରଭଙ୍ଗା: ହରଭଙ୍ଗା ତହସିଲ ଅର୍ନ୍ତଗତ ଖରଭୁଇଁରୁ ପଥର ଉତୋଳନ ମାମଲାରେ ଗ୍ରାମବାସୀ ପକ୍ଷରୁ ରାଜ୍ୟ ପରିବେଶ ପ୍ରଭାବ ମୂଲ୍ୟାଙ୍କନ କତୃପକ୍ଷ(ସିଆ)ର ଦ୍ୱାରସ୍ଥ ହୋଇଥିଲେ। ଗ୍ରାମବାସୀଙ୍କ ଅଭିଯୋଗ ଆଧାରରେ ସିଆ ପକ୍ଷରୁ ହରଭଙ୍ଗା ତହସିଲଦାରଙ୍କୁ ରିପୋର୍ଟ ତଲବ କରାଯାଇଥିଲା।ଏହି ମାମଲାର ସ୍ପଷ୍ଟୀକରଣ ପାଇଁ ହରଭଙ୍ଗା ତହସିଲଦାର ବିଶ୍ୱଜିତ ପ୍ରଧାନ ଅଭିଯୋଗକାରୀ ୪ଜଣ ଗ୍ରାମବାସୀଙ୍କୁ ନୋଟିସ କରିଥିଲେ। ଶନିବାର ଅଭିଯୋଗକାରୀ ଗ୍ରାମବାସୀଙ୍କୁ ଅଫିସକୁ ଡକାଇ ଖରଭୁଇଁ ୨ ଏବଂ ୩ ପଥରକୁଆରୀରର ସ୍ପଷ୍ଟୀକରଣ ରଖିବା ସହିତ ଇସି.ସିଟିଓ ଏବଂ ପ୍ରଦୂଷଣ ପ୍ରମାଣପତ୍ର ସର୍ମ୍ପକୀତ କାଗଜପତ୍ର ରହିଥିବା ସ୍ପଷ୍ଟ କରିଥିଲେ। ରେଳପଥ କାର୍ଯ୍ୟପାଇଁ ୩ମାସ କୁଆରୀ ଅନୁମତି ଦିଆଯାଇଥିବା ମଧ୍ୟ ବୁଝାଇଥିଲେ।କ୍ରସର ଆଉ ପଥର କୁଆରୀ ବନ୍ଦ କରିବାକୁ ଗ୍ରାମବାସୀ ତହସିଲଦାରଙ୍କୁ ପୁନଃ ଦାବୀ କରିଥିଲେ। ଏହା ସହିତ କେଉଁ ନିୟମ ଆଧାରରେ କ୍ରସର ଏବଂ ପଥର କୁଆରୀ ଚାଲୁଛି ଏଥିପାଇଁ ନିୟମ କଣ ରହିଛି ଗ୍ରାମବାସୀ ତହସିଲଦାରଙ୍କୁ ଉତର ମାଗିବାରୁ ଖଣି ଅଧିକାରୀ ଏହାର ଉତର ଦେଇପାରିବେ ବୋଲି କହିଥିଲେ। ଶୁଣାଣି ସମୟରେ ତହସିଲଦାରଙ୍କ ସହିତ ଏଆରଏସଏସ କମ୍ପାନୀର କର୍ମକର୍ତା ଏବଂ ଗ୍ରାମ ସଭାପତି ଏବଂ ସମ୍ପାଦକଙ୍କ ସହ ଅନ୍ୟ ଦୁଇଜଣ ଉପସ୍ଥିତ ଥିଲେ।
Popular Categories
Previous article
Next article