ବୌଦ୍ଧ: ବୌଦ୍ଧ କଚେରୀ ପଡ଼ିଆ ଠାରେ ଗେହ୍ଳାମାଁ କ୍ଲବ ପକ୍ଷରୁ ଚାଲିଥିବା ଗେହା୍ଳମାଁ କପ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଶନିବାର ଦିନ ଉଦଯାପିତ ହୋଇଛି। ଉଦଯାପନ ଦିବସର ଫାଇନାଲ ମ୍ୟାଚ ସମ୍ବଲପୁର ଓ ଆଇଆରବି ବୌଦ୍ଧ ମଧ୍ୟରେ ଅନୁଷ୍ଠିତ ହୋଇଥିଲା। ନିଦ୍ଧାରିତ ସମୟରେ ଉଭୟ ଦଳ ଗୋଟିଏ ଗୋଟିଏ ଗୋଲ ଦେଇ ସମାନ ସ୍ଥିତିରେ ରହିଥିଲେ। ଫଳରେ ଟ୍ରାଇବ୍ରେକର ଜରିଆରେ ଆଇଆରବି ଦଳ ୩-୧ ଗୋଲରେ ସମ୍ବଲପୁର ଦଳକୁ ହରାଇ ଟୁର୍ଣ୍ରାମେଣ୍ଟ ଚମ୍ପିୟାନ ହୋଇଥିଲା ଓ ସମ୍ବଲପୁର ଦଳ ରନର୍ସ ହୋଇଥିଲା।। ଉଦଯାପନ ଉତ୍ସବରେ ମୁଖ୍ୟ ଅତିଥିଭାବେ ହରଭଙ୍ଗା ବ୍ଳକ ଉପାଧ୍ୟକ୍ଷ ସରୋଜ କୁମାର ପ୍ରଧାନ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ବରିଷ୍ଠ ଆଇନଜୀବୀ ନାରାୟଣ ପ୍ରସାଦ ପରିଜା,ବରିଷ୍ଠ ସାମ୍ବାଦିକ ରଜନୀକାନ୍ତ ଦାଶ, ବରିଷ୍ଠ କ୍ରିଡାବିତ ଯୁଗଳ କିଶୋର ସାମଲ ଯୋଗ ଦେଇଖେଳାଳିଙ୍କୁ ଉତ୍ସାହିତ କରିଥିଲେ। ମ୍ୟାଚରେ ରେଫରୀ ଭାବରେ ଶେଷଦେବ ବେହେରା, ଶଶିକାନ୍ତ ଦାସିଆ, ଅଭିଳାଷ ସାହୁ ଓ ପ୍ରବୀଣ ବେହେରା ପରିଚାଳନା କରିଥିଲେ।
ବିଜେତା ଦଳକୁ ୭୦୦୦ ଟଙ୍କା ସହ ଟ୍ରଫି ପ୍ରଦାନ କରାଯାଇଥିବା ବେଳେ ଉପବିଜେତା ଦଳକୁ ୫୦୦୦ ଟଙ୍କା ସହ ଟ୍ରଫି ପ୍ରଦାନ କରାଯାଇଥିଲା। ଏହା ସହ ଗେହ୍ଳାମାଁ ବ୍ଳକର ପୂର୍ବତନ ଖେଳାଳି ମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା।
