ପାଟଣା: ଏରେଣ୍ଡେଇ ପଞ୍ଚାୟତ ରେଙ୍ଗାଳବେଡାର ଡ଼ିଭାଇନ ଆର୍ଟ୍ସ ଆଣ୍ଡ ସ୍ପୋର୍ଟ୍ସ କ୍ଲର୍ବ ତରଫରୁ ଚତୁର୍ଥ ବାର୍ଷିକ ଫୁଟବଲ ପ୍ରତିଯୋଗିତା ମୁଖ୍ୟ ଅତିଥି ସମାଜସେବୀ ରଂଜିତ କୁମାର ମହାନ୍ତଙ୍କ ଦ୍ୱାରା ଉଦଘାଟିତ ହୋଇଅଛି। ଉଦଘାଟନୀ ଖେଳରେ ମୁର୍ମୁ ଏକାଦଶ ଫୁଟବଲ ଦଳ ଏବଂ ମୟୂରଭଞ୍ଜର ଅନନ୍ତ ସାହି ବି-ରୁଣ୍ଡା ଫୁଟବଲ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବି-ରୁଣ୍ଡା ଫୁଟବଲ ଦଳ ୧-୦ ଗୋଲରେ ବିଜୟ ଲାଭ କରିଥିଲା। ପ୍ରତିଯୋଗିତାରେ ୩୨ଟି ଦଳ ଅଂଶ ଗ୍ରହଣ କରୁଛନ୍ତି। କ୍ଲବର ସଭାପତି ରଘୁନାଥ ବାସ୍କେଙ୍କ ସଂଯୋଜନାରେ ଅନୁଷ୍ଠିତ ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବେ ସମାଜସେବୀ ରଞ୍ଜିତ କୁମାର ମହାନ୍ତ ଓ ସମ୍ନାନୀତ ଅତିଥି ଭାବେ ପୂର୍ବତନ ସରପଞ୍ଚ ଶ୍ୟାମସୁନ୍ଦର ବାସ୍କେ, ଗ୍ରାମର ମାଝୀ ବାବା ଝାଡ଼େଶ୍ୱର ସୋରେନ ଯୋଗ ଦେଇଥିଲେ। କ୍ଲବର ପ୍ରଥମ ଖେଳକୁ ରେଫରି ମଝିଆ ମାଝୀ, ମାନସିଂ ସୋରେନ ଓ ନରି ମୁର୍ମୁ, ଭାଷ୍ୟକାର ଭାବେ କୁତୁଲ ସୋରେନ ଦାୟିତ୍ୱ ତୁଲାଇଥିଲେ। ଏହି ବିଶାଳ ଆଦିବାସୀ ଫୁଟବଲ ପ୍ରତିଯୋଗିତା ୨୨ ତାରିଖ ପର୍ଯ୍ୟନ୍ତ ଚାଲୁ ରହିବ।
Popular Categories
Previous article
Next article