ଘଣ୍ଟାପଡା: ଘଣ୍ଟାପଡା ଥାନା ଅଞ୍ଚଳରେ ଜଣେ ବ୍ୟକ୍ତିଙ୍କୁ ମାଡ଼ ମାରିବାରୁ ମୃତ୍ୟୁ ହୋଇଥିବା ଅଭିଯୋଗରେ ୩ ଜଣକୁ ଗିରଫ କରିଛି ଘଣ୍ଟାପଡା ପୁଲିସ। ସୂଚନା ପ୍ରକାରେ ସେପ୍ଟେମ୍ବର ୨୩ ତାରିଖ ଦିନ ସୋନପୁର ଜିଲ୍ଲା ତରଭା ଥାନା ଅନ୍ତର୍ଗତ ରେଙ୍ଗସା ଗ୍ରାମର ବିନୋଦ ସାହୁ ସମେତ ୩ ଜଣ ବ୍ୟକ୍ତି ଖୁଣ୍ଟିଗୋରା ଅଞ୍ଚଳକୁ କୌଣସି କାମରେ ଆସିଥିଲେ। ଫେରୁଥିବା ବେଳେ ସନ୍ଧ୍ୟା ପ୍ରାୟ ୭ଟା ସମୟରେ ଘଣ୍ଟାପଡା ମାର୍କେଟ ଛକରେ ପାନ ଖାଇଲେ। ଯୁକ୍ତିତର୍କ ହୋଇ ପାଟିତୁଣ୍ଡ ହେବା ଫଳରେ ସ୍ଥାନୀୟ କିଛି ଲୋକ ବିନୋଦକୁ ମାଡ଼ ମାରିଥିଲେ। ଗୁରୁତର ହେବାରୁ ତାଙ୍କୁ ବଲାଙ୍ଗୀର ଭୀମ ଭୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧିନ ଅବସ୍ଥାରେ ରାତି ପ୍ରାୟ ୨ଟା ସମୟରେ ବିନୋଦ ସାହୁ (୫୦)ଙ୍କ ମୃତ୍ୟୁ ହୋଇଥିଲା। ଏନେଇ ମୃତକଙ୍କ ପରିବାର ପକ୍ଷରୁ ଘଣ୍ଟାପଡା ଥାନାରେ ଅଭିଯୋଗ ହୋଇଥିଲା। ଘଟଣାରେ ପୋଡାପଡାର ଗ୍ରାମର ରବିନ୍ଦ୍ର ନାଏକ (୨୧), ରାଜେନ୍ଦ୍ର ନାଏକ (୩୨) ଓ ତାଳବେଡା ଗ୍ରାମର ଲିଙ୍ଗରାଜ ଦାଶ (୩୦)ଙ୍କୁ ପୁଲିସ ଗିରଫ କରିଥିଲା। ଏହି ଘଟଣାରେ ମାମଲା ରୁଜୁ କରାଯାଇ ଅଭିଯୁକ୍ତମନକୁ ଅଦାଲତ ଚାଲାଣ କରାଯାଇଛି ବୋଲି ଥାନାଧିକାରୀ ବଳଭଦ୍ର ଗଣ୍ଡା ସୂଚନା ଦେଇଛନ୍ତି।
Popular Categories
Previous article
Next article