ଟିକାବାଲି: ପୁରୁଣା ବସଷ୍ଟାଣ୍ଡ ବନ୍ଦ ନକରିବା ନେଇ ଟିକାବାଲି ପୁରୁଣା ବସଷ୍ଟାଣ୍ଡ ନିକଟରେ ଥିବା ଭୈରଭି କଲ୍ୟାଣୀ ମଣ୍ଡପ ଠାରେ ଟିକାବାଲି ଅଞ୍ଚଳର ସମସ୍ତ ବୁଦ୍ଧିଜୀବୀମାନଙ୍କ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଟିକାବାଲି ଅଞ୍ଚଳର ବ୍ୟବସାୟୀ, ସମାଜ ସେବୀ ଏବଂ ବୁଦ୍ଧିଜୀବୀ ମାନେ ପ୍ରାୟ ୧୦୦ ଜଣ ଏକତ୍ରିତ ଆଲୋଚନା କରି ଜିଲ୍ଲାପାଳ କନ୍ଧମାଳ, ଉପ ଜିଲ୍ଲାପାଳ ବାଲିଗୁଡା, ଆଞ୍ଚଳିକ ପରିବହନ ଅଧିକାରୀ, ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର, ଏସଡିପିଓ, ଟିକାବାଲି ବ୍ଲକ ଅଧ୍ୟକ୍ଷ, ଟିକାବାଲି ଥାନା ଅଧିକାରୀଙ୍କୁ ଏକ ଲିଖିତ ଆବେଦନ କରିବାକୁ ନିଷ୍ପତି କରିଥିଲେ। ଗତ ୫୦ ବର୍ଷ ହେବ ଟିକାବାଲି ବଜାର ଦେଇ ବିଭିନ୍ନ ଯାତ୍ରୀବାହୀ ବସ୍ ଯିବା ଆସିବା କରୁଥିଲା। ଏହାକୁ ଲକ୍ଷ୍ୟ କରି ଟିକାବାଲି ବଜାରର ଅଞ୍ଚଳବାସୀ ଓ ବ୍ୟବସାୟୀ ମାନେ ଉପକୃତ ହେଉଥିଲେ। କିନ୍ତୁ ବର୍ତ୍ତମାନ ସରକାର ତରଫରୁ ଏକ ନୂଆ ବସଷ୍ଟାଣ୍ଡ ନିର୍ମାଣ ହୋଇଛି ଏବଂ ସେହି ବସ ଷ୍ଟାଣ୍ଡ ବଜାରରୁ ପ୍ରାୟ ଏକ କିଲୋମିଟର ତଥା ମେଡିକାଲ ପାଖରେ ଅବସ୍ଥିତ। ତେଣୁ ଟିକାବାଲି ବଜାର ଠାରୁ ଦୂରରେ ଥିବାରୁ ଟିକାବାଲି ବଜାରର ବ୍ୟବସାୟ ପୁରା ଠପ ହେବାର ଆଶଙ୍କା ରହିଛି।
Comments are closed.