କଳାପଥର: ବାଙ୍କୀ ବ୍ଲକ ଅନ୍ତର୍ଗତ ଜଗନ୍ନାଥପୁର ପଞ୍ଚାୟତର ଅସହାୟ ବିଧବା ମହିଳା ଦୋଇତା ନାଥ ଆବାସ ଯୋଜନାରେ ବ୍ଲକର ଆଦେଶାନାମା ପାଇ ନିଜ ହାତରୁ ଖର୍ଚ୍ଚ କରି ଗୃହ ନିର୍ମାଣ କରିଥିଲେ। କିଛି ଖଳ ପ୍ରକୃତିର ଲୋକ ତାଙ୍କ ନାମରେ ଅସୂୟା ମନୋଭାବ ନେଇ ସେ ପୁରୁଣା କାନ୍ଥରେ ଘର କରିଛନ୍ତି ବୋଲି ବ୍ଳକରେ ଅଭିଯୋଗ କରିଥିଲେ। ମିଥ୍ୟା ଅଭିଯୋଗକୁ ଭତ୍ତି କରି ବ୍ଲକ ଅଧିକାରୀ ମିଥ୍ୟା ରିପୋର୍ଟ ପ୍ରଦାନ କରି ଦୋଇତା ନାଥଙ୍କର ଘର ନିର୍ମାଣ ପଇଁ ଖର୍ଚ୍ଚ ହୋଇଥିବା ଟଙ୍କା ନଦେବାକୁ ବ୍ଲକକୁ ରିପୋର୍ଟ ଦେବାରୁ ବ୍ଲକ ପକ୍ଷରୁ ତାଙ୍କୁ ଅର୍ଥ ପ୍ରଦାନ କରାଯାଉନାହିଁ। ଫଳରେ ସେ ବାହାରୁ କରଜ ଆଣି ଘର କାମ କରିଛନ୍ତି। ବର୍ତ୍ତମାନ ବ୍ଲକ କର୍ତ୍ତୁପକ୍ଷ ତାଙ୍କୁ ଗୃହ ନିର୍ମାଣ ଟଙ୍କା ଦେବାରେ ଟାଳୁଟୁଳ ନୀତି ଅବଲମ୍ବନ କରୁଛନ୍ତି। ତାଙ୍କର ସ୍ୱାମୀଙ୍କର ପରଲୋକ ଘଟିଥିବାରୁ ଗୋଟିଏ ପୁଅକୁ ଧରି ସେ ନିଜର ଜୀବନ ବିତାଉଛନ୍ତି। ସେ କେବଳ ବିଧବା ଭତ୍ତା ଓ ୧୦କି.ଗ୍ରା ଚାଉଳ ବ୍ୟତୀତ ଆଉ କୌଣସି ସରକାରୀ ସୁବିଧା ପାଇପାରି ନାହାନ୍ତି।
Popular Categories
Previous article
Next article