ଭୁବନେଶ୍ୱର: ଗ୍ରାମୀଣ ଓଡ଼ିଶା ଆରଓପି (ରେଟିନୋପାଥି ଅଫ ପ୍ରିମାଚ୍ୟୁରିଟି) ପ୍ରକଳ୍ପର ଉଲ୍ଲେଖନୀୟ ସଫଳତା ପାଇଁବେସରକାରୀ ସଂସ୍ଥା ବର୍ଗରେ ୨୦୨୩ ମସିହାର ପ୍ରୋଜେକ୍ଟ ମ୍ୟାନେଜମେଣ୍ଟ ଇନଷ୍ଟିଚ୍ୟୁଟ୍ ସାଉଥ୍ ଏସିଆ (ପିଏମ୍ଆଇ) ପୁରସ୍କାର ଲାଭ କରିଛି। ଓଡ଼ିଶାର ୮ଟି ଜିଲାରେ ସମୟ ପୂର୍ବରୁ ଜନ୍ମିତ ଶିଶୁଙ୍କଠାରେ ଆରଓପିର ପରୀକ୍ଷଣ ଏବଂ ଉପଚାର ଶୀର୍ଷକ ଏହି ପ୍ରକଳ୍ପକୁ ଏଲଭି ପ୍ରସାଦ ଚକ୍ଷୁ ପ୍ରତିଷ୍ଠାନ, ଜାତୀୟ ସ୍ୱାସ୍ଥ୍ୟ ମିଶନ ଓ ରାଷ୍ଟ୍ରୀୟ ବାଲ୍ ସ୍ୱାସ୍ଥ୍ୟ କାର୍ଯ୍ୟକ୍ରମର ମିଳିତ ସହଯୋଗରେ କରାଯାଇଛି। ଏଲଭିପିଇଆଇ ତରଫରୁ ପ୍ରକଳ୍ପ ମୁଖ୍ୟ ଡାକ୍ତର ତାପସ ରଞ୍ଜନ ପାଢ଼ୀଙ୍କ ସମେତ ଦଳର ଅନ୍ୟ ସଦସ୍ୟ ଏହି ପୁରସ୍କାର ଗ୍ରହଣ କରିଛନ୍ତି। ଆରଓପି ଏକବିଂଶ ଶତାବ୍ଦୀରେ ଦେଖାଦେଇଥିବା ଏକ ଭୟଙ୍କର ଚକ୍ଷୁ ରୋଗ। ଆରଓପି କାରଣରୁ ଓଡ଼ିଶାରେ ପ୍ରତିବର୍ଷ ପ୍ରାୟ ୧୦୦୦ରୁ ଅଧିକ ଶିଶୁ ଦୃଷ୍ଟିଶକ୍ତି ହରାଇବାର ଆଶଙ୍କା ରହିଛି। ଦୁଇ କିଲୋଗ୍ରାମ୍ କିମ୍ୱା ମା’ ଗର୍ଭରେ ୩୪ ସପ୍ତାହ ପୂର୍ବରୁ ଜନ୍ମ ନେଇଥିବା ଏହି ଶିଶୁଙ୍କଠାରେ ଆରଓପି ରୋଗର ଆଶଙ୍କା ଶତକଡ଼ା ୩୦ ରୁ ୫୦ ଏବଂ ଅନ୍ଧତ୍ୱ ଆଶଙ୍କା ୧୦ରୁ ୧୮ପ୍ରତିଶତ ଥାଏ। ଜନ୍ମର ୩୦ ଦିନ ଭିତରେ ଚକ୍ଷୁ ପରୀକ୍ଷା ଓ ଦରକାର ପଡ଼ିଲେ ଏହି ରୋଗର ନିରାକରଣହୋଇପାରିବ। ଏହି ପ୍ରକଳ୍ପ ମାଧ୍ୟମରେ ବାଲେଶ୍ୱର, ଭଦ୍ରକ, କଟକ, ଗଞ୍ଜାମ, କେନ୍ଦୁଝର, ରାୟଗଡ଼ା, ସୁନ୍ଦରଗଡ଼ ଏବଂ ପୁରୀ ଜିଲାର ଶିଶୁମାନେ ଉପକୃତ ହୋଇପାରିଛନ୍ତି।
Popular Categories
Previous article
Next article