ପାଟଣା: ଘଟଗାଁ ବ୍ଲକ ତଥା ସରାସପଶି ପଞ୍ଚାୟତ କାର୍ୟ୍ୟାଳୟ ଠାରେ ଆସ୍ପାୟାର ପକ୍ଷରୁ ପଞ୍ଚାୟତକୁ ଶିଶୁ ଶ୍ରମିକ ମୁକ୍ତ ପଞ୍ଚାୟତ ଭାବେ ଘୋଷଣା କରାଯାଇଛି। ଏଥିରେ ମୁଖ୍ୟ ଅତିଥି ଭାବେ ସରପଞ୍ଚ ଗଣେଶ୍ୱର ନାଏକ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ଗୀତାଞ୍ଜଳି ନାୟକ ଏବଂ ମୁଖ୍ୟବକ୍ତା ଭାବେ ରାଜକିଶୋର ମିଶ୍ର, କାଞ୍ଚନ ବାଳା ଜେନା, ସରାସପଶି ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଏବଂ ଶିକ୍ଷୟିତ୍ରୀ ଯୋଗ ଦେଇଥିଲେ। ଏହାକୁ ଆୟୋଜନ କରିଥିଲେ ଆସ୍ପାୟାରର ସରାସପଶି ଗ୍ରାମପଞ୍ଚାୟତ କର୍ମକର୍ତ୍ତା ବିବେକାନନ୍ଦ ମହାନ୍ତ। ଏହି ଶିଶୁ ଶ୍ରମିକ ମୁକ୍ତ ପଞ୍ଚାୟତର ମୁଖ୍ୟ ଉଦ୍ଦେଶ୍ୟ ପଞ୍ଚାୟତର ୬ରୁ ୧୪ ବର୍ଷର ସମସ୍ତ ଶିଶୁ ମାନେ ଶିକ୍ଷାର ମୁଖ୍ୟ ସ୍ରୋତ ସହିତ ଜଡିତ ହୋଇ ଭବିଷ୍ୟତରେ ଯେମିତି କୌଣସି ଶିଶୁ ଶିକ୍ଷା ଠାରୁ ଦୂରେଇ ନଯାଇ ଶିକ୍ଷାର ମୌଳିକ ଅଧିକାର ପାଇ ପାରିବେ ସେ ବିଷୟରେ ଆଲୋଚନା କରାଯିବା ସହିତ ନାଟକ ମାଧ୍ୟମରେ ଶିଶୁ ଶ୍ରମିକ ପ୍ରଥାକୁ କେମିତି ରୋକା ଯାଇପାରିବ ତାହା ପରିବେଷଣ କରାଯିବା ସହିତ ପରିବେଶ ସୁରକ୍ଷା ପାଇଁ ମଧ୍ୟ ଏକ ନାଟକ ପରିବେଷିତ ହୋଇଥିଲା।
Popular Categories
Previous article
Next article