ଫୁଲବାଣୀ: କନ୍ଧମାଳ ଜିଲ୍ଲା ବ୍ୟାଡମିଣ୍ଟନ ଆସୋସିଏସନ ପକ୍ଷରୁ ଆୟୋଜିତ ଦୁଇ ଦିନିଆ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଏହି ଅବସରରେ କନ୍ଧମାଳ ଜିଲ୍ଲାପାଳ ଅଶିଷ ଇଶ୍ୱର ପାଟିଲ୍ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମକୁ ଆସୋସିଏସନର ସମ୍ପାଦକ ଦୀପକରଞ୍ଜନ ମହାନ୍ତି ପରିଚାଳନା କରିଥିଲେ। ଏଥିରେ ବରିଷ୍ଠ ବର୍ଗରେ ସାଶ୍ୱତ କୁମାର ସିଂ ସିଙ୍ଗଲ୍ସ ଚମ୍ପିଅନ୍ ହୋଇଥିବା ବେଳେ ଅଭୟ କୁମାର ସାହୁ ରନର୍ସ ହୋଇଛନ୍ତି। ସେହିପରି ବରିଷ୍ଠ ବର୍ଗର ଡବଲ୍ସରେ ସାଶ୍ୱତ କୁମାର ସିଂ ଏବଂ କୃପାସିନ୍ଧୁ ମହାରଣା ଚମ୍ପିଅନ୍ ହୋଇଥିବା ବେଳେ ସମ୍ବିତ କୁମାର ପ୍ରଧାନ ଏବଂ ଦେବେନ୍ଦ୍ର ଦଣ୍ଡିଆ ରନର୍ସ ହୋଇଛନ୍ତି। ସେହିପରି କନିଷ୍ଠ ବର୍ଗର ସିଙ୍ଗଲ୍ସରେ ବଳିଆ ସାହୁ ଚମ୍ପିଅନ୍ ହୋଇଥିବା ବେଳେ ସ୍ମୃତିରଞ୍ଜନ ପଣ୍ଡା ରନର୍ସ ହୋଇଛନ୍ତି। ସେହିପରି ଡବଲ୍ସରେ ବଳିଆ ସାହୁ ବେଂ ତାଙ୍କ ପାର୍ଟନର ଡି.ବିଜୟେନ୍ଦ୍ର ଦୋରା ଚମ୍ପିଅନ୍ ହୋଇଛନ୍ତି ଓ ଓମପ୍ରକାଶ ବେହେରା ଓ ତାଙ୍କ ପାର୍ଟନର ସ୍ମୃତିରଞ୍ଜନ ପଣ୍ଡା ରନର୍ସ ହୋଇଛନ୍ତି। ବାଳିକା ବର୍ଗରେ ନେହା ମଲ୍ଲିକ ଚମ୍ପିଅନ୍ ହୋଇଥିବା ବେଳେ ଜୟଶ୍ରୀ ମଲ୍ଲିକ ରନର୍ସ ହୋଇଛନ୍ତି। ବିଜେତା ଖେଳାଳି ମାନଙ୍କୁ ଦିବସର ଅତିଥି ମାନଙ୍କ ଦ୍ୱାରା ମାନପତ୍ରଏବଂ ଟ୍ରଫି ପ୍ରଦାନ କରାଯାଇଥିଲା। ଏହି ଦୁଇ ଦିନିଆ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ କନ୍ଧମାଳ ଜିଲ୍ଲାର ଫୁଲବାଣୀ ସମେତ ଜିଲ୍ଲାର ବାଲିଗୁଡା,ଘୁ.ଉଦୟଗିରି ଏବଂ ଅନ୍ୟାନ୍ୟ ଅଂଚଳର ଖେଳାଳି ମାନେ ଭାଗ ନେଇଥିଲେ।
Popular Categories
Previous article
Next article