ରେଙ୍ଗାଲି: ରେଙ୍ଗାଲି ନିର୍ବାଚନ ମଣ୍ଡଳୀର ସପ୍ନେ ଠାରେ ନିର୍ମାଣାଧୀନ ବୃହତ୍ ପାନୀୟ ଜଳ ଯୋଗାଣ ପ୍ରକଳ୍ପର ସ୍ଥିତାବସ୍ଥା ଓ ପ୍ରକଳ୍ପର ଅଗ୍ରଗତି ସମ୍ପର୍କରେ ତଦାରଖ କରିବା ପାଇଁ ଆଜି ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରୀ ନାୟକ ପ୍ରକଳ୍ପ ସ୍ଥାନ ପରିଦର୍ଶନ କରିଥିଲେ। ୨୦୨୧ ରୁ ଆରମ୍ଭ ହୋଇଥିବା ଏହି ବୃହତ୍ ପାନୀୟ ଜଳ ଯୋଗାଣ ପ୍ରକଳ୍ପ ହୀରାକୁଦ ଜଳଭଣ୍ଡାରରୁ ଜଳ ଉଠାଇ ସେଠାରେ ନିର୍ମିତ ଜଳ ବିଶୋଧନାଗାରରେ ଜଳ ବିଶୁଦ୍ଧ ହୋଇ ପାଇପ ଯୋଗେ ସମ୍ବଲପୁର ଜିଲ୍ଲାର ୨୬ଟି ଓ ଝାରସୁଗୁଡା ଜିଲ୍ଲାର ୨ଟି ପଞ୍ଚାୟତକୁ ଜଳ ଯୋଗାଣ କରାଯିବ।
ବିଭାଗୀୟ ଅଧିକାରୀଙ୍କ ସହିତ ପ୍ରକଳ୍ପ ପରିଦର୍ଶନ କରି ସମସ୍ତ ବିଷୟରେ ଅବଗତ ହେଲା ପରେ କାର୍ଯ୍ୟକୁ ଶୀଘ୍ର ସମାପ୍ତ କରିବା ସହ ସମସ୍ତ ପ୍ରସଙ୍ଗରେ ଗୁଣାତ୍ମକମାନକୁ ବିଶେଷ ଧ୍ୟାନ ରଖିବାକୁ ଗୁରୁତ୍ବ ଦେବା ପାଇଁ ବିଭାଗୀୟ ଅଧିକାରୀଙ୍କୁ ବିଧାୟକ ଶ୍ରୀ ନାଏକ ପରାମର୍ଶ ଦେଇଥିଲେ।
