ଥରେ କି ଦୁଇ ଥର ନୁହେଁ, ମୋଦୀଙ୍କ ଉଦବୋଧନ ବେଳେ ୧୫ ଥର ଛିଡ଼ାହୋଇ ସମ୍ମାନ ଜଣାଇଲେ ଆମେରିକୀୟ ସାଂସଦ

ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା କଂଗ୍ରେସର ମିଳିତ ଅଧିବେଶନରେ ସମ୍ବୋଧନକୁ ଆମେରିକାର ଅନେକ ସାଂସଦ ପ୍ରଶଂସା କରିଛନ୍ତି। ସେହି ଉଦବୋଧନ ସମୟରେ ପ୍ରାୟ ୧୫ ଥର ସେଠାକାର ସାଂସଦମାନେ ନିଜ ନିଜ ଆସନରେ ଛିଡା ହୋଇ ତାଳି ମାରି ମୋଦୀଙ୍କ ବକ୍ତବ୍ୟକୁ ସମର୍ଥନ କରିବା ସହ ସମ୍ମାନ ପ୍ରଦର୍ଶନ କରିଛନ୍ତି।

15 standing ovations to PM Modi in the US Congress…the historical moments of unprecedented respect and admiration for him! pic.twitter.com/cicDHW6Uxn

— BJP (@BJP4India) June 23, 2023

ଆମେରିକା କଂଗ୍ରେସ ସାଂସଦ ସେଥ୍ ମାଗାଜିନରଙ୍କ ଏକ ଟୁଇଟ୍ ଜବାବରେ ପ୍ରଧାନମନ୍ତ୍ରୀ କହିଛନ୍ତି ଯେ ଉଭୟ ଦେଶର ଅଂଶୀଦାର ଗଣତାନ୍ତ୍ରିକ ମୂଲ୍ୟବୋଧ ସେମାନଙ୍କ ସମୃଦ୍ଧ ଭବିଷ୍ୟତ ଦିଗରେ ସହଯୋଗ କରିବ। ଶ୍ରୀ ମୋଦୀ ବିଶ୍ୱ ସମୁଦାୟର ହିତ ପାଇଁ ଅର୍ଥନୈତିକ ଏବଂ ରଣନୀତିକ ଭାଗିଦାରୀକୁ ମଜବୁତ କରିବା ଉପରେ ଗୁରୁତ୍ୱାରୋପ କରିଛନ୍ତି। ପ୍ରଧାନମନ୍ତ୍ରୀ କଂଗ୍ରେସ ମହିଳା ନିକୋଲ ମଲ୍ଲିକୋଟାକିସଙ୍କୁ ମଧ୍ୟ କୃତଜ୍ଞତା ଜଣାଇବା ସହ ଉଭୟ ଦେଶ ମଧ୍ୟରେ ପ୍ରଯୁକ୍ତିବିଦ୍ୟା, ପ୍ରତିରକ୍ଷା ଏବଂ ଆର୍ଥିକ କ୍ଷେତ୍ରରେ ରଣନୀତିକ ଅଭିବୃଦ୍ଧି ପାଇଁ ଉତ୍ସାହ ପ୍ରକାଶ କରିଛନ୍ତି।