ଆଠଗଡ଼: ଆଠଗଡ଼ ସହରର ହେମମାଳପୁରସ୍ଥିତ ବୈଦ୍ୟୁତିକ ସାମଗ୍ରୀ ବିକ୍ରୟ କରୁଥିବା ଶ୍ୱେତପ୍ରଭା ଏଜେନ୍ସିର ଚତୁର୍ଥ ମହଲାରେ ଆକସ୍ମିକ ଅଗ୍ନିକାଣ୍ଡ ଘଟି ବହୁ କ୍ଷୟକ୍ଷତି ହୋଇଥିଲେ ମଧ୍ୟ ଦମକଳ ବାହିନୀର ସମୟପୋଯୋଗୀ ପଦକ୍ଷେପ ଯୋଗୁଁ ଲକ୍ଷ ଲକ୍ଷ ଟଙ୍କାର ସାମଗ୍ରୀ ରକ୍ଷା ପାଇଯାଇଛି। ମଧ୍ୟାନ୍ନ ପ୍ରାୟ ୧୨ଟା ବେଳେ ଦୋକାନ କର୍ମଚାରୀମାନେ ଉପର ମହଲାରେ ଧୂଆଁ ଦେଖି ମାଲିକଙ୍କୁ ଖବର ଦେଇଥିଲେ। ମାଲିକ ଲସିତ୍ ବରଣ ମହାନ୍ତି ତୁରନ୍ତ ଦମକଳ ବାହିନୀକୁ ଖବର ଦେବାର ୧୫ମିନିଟ ମଧ୍ୟରେ ଆଠଗଡ଼ ଅଗ୍ନିଶମ ବିଭାଗର ୨ଟି ଦମକଳ ଓ ୨୦ଜଣ କର୍ମଚାରୀ ଘଟଣାସ୍ଥଳରେ ପହଞ୍ଚି ଅକ୍ଳାନ୍ତ ପରିଶ୍ରମ କରି ନିଆଁକୁ ଲିଭାଇବାରେ ସଫଳ ହୋଇଥିଲେ। କ୍ଷୟକ୍ଷତିର ପ୍ରକୃତ ପରିମାଣ ଜଣାପଡ଼ିନଥିଲେ ମଧ୍ୟ ବଡ ଧରଣର କ୍ଷୟକ୍ଷତିରୁ ରକ୍ଷା ମିଳିଯାଇଛି ବୋଲି ଦୋକାନର ମାଲିକଙ୍କ ସୁତ୍ରରୁ ପ୍ରକାଶ।
Comments are closed.