ସମ୍ବଲପୁର: ସମ୍ବଲପୁର ମହାନଗର ଅର୍ନ୍ତଗତ ଧନୁପାଲି ମହାବୀରପଡ଼ା ଠାରେ ନାଳ, ପରିମଳ, ରାସ୍ତା, ଆଲୁଅ, ରାସ୍ତାଘାଟ ମରାମତି ଆଦି ବିଭିନ୍ନ ସମସ୍ୟାର ସମାଧାନ ପାଇଁ ଅଞ୍ଚଳବାସୀ ଦାବି କରି ଆସୁଛନ୍ତି। ଏଣୁ ଡେପୁଟି କମିଶନର ଶଙ୍କର ପ୍ରସାଦ ସାହୁ ଓ ସ୍ୱାସ୍ଥ୍ୟ ଅଧିକାରୀ ଡା. ମହେନ୍ଦ୍ର ନନ୍ଦ ଶନିବାର ଅଞ୍ଚଳ ପରିଦର୍ଶନ କରିଛନ୍ତି। ଅଧିକାରୀ ଓ କର୍ମଚାରୀ ମାନେ ସ୍ଥାନୀୟ ନିବାସୀଙ୍କ ସହିତ ଅଞ୍ଚଳ ପରିଦର୍ଶନ କରି ରାସ୍ତା, ପରିମଳ ବ୍ୟବସ୍ଥା, ନାଳ ସଫେଇ ଆଦି ତଦାରଖ କରି ଜନତାଙ୍କ ସହିତ ଆଲୋଚନା କରିଥିଲେ। ଅଞ୍ଚଳର ଅନେକ ସ୍ଥାନରେ ଆଲୋକ ନ ଜଳିବା, ନୂତନ ସ୍ଥାନରେ ରାସ୍ତା ଆଲୋକର ବ୍ୟବସ୍ଥା, ରାସ୍ତା ଓ ନାଳ ଗୁଡିକର ମରାମତି, ଟ୍ରାନ୍ସଫର୍ମର ନିକଟରେ ଜମା ହୋଇଥିବା ଅଳିଆ ଉଠାଇବା, ଶିଶୁ ପାର୍କ ଓ ସାଧାରଣ ଜିମକୁ ତୁରନ୍ତ ସମ୍ପୁର୍ଣ୍ଣ କରିବା ପାଇଁ ଦାବି କରାଯାଇଛି। ସମସ୍ତ ପଡ଼ା ଗୁଡିକରେ ନାଗରିକ କମିଟି ଗଠନ କରାଯାଇ ପରିମଳ ଓ ଅନ୍ୟାନ୍ୟ ବ୍ୟବସ୍ଥା ଗୁଡିକୁ ତଦାରଖ କରିବା ପାଇଁ ଦାୟିତ୍ୱ ଉକ୍ତ କମିଟି କୁ ଦିଆଯିବା ବୋଲି ନିଗମ ନିଷ୍ପତ୍ତି ନେଇଥିବାର ସୂଚନା ଅଧିକାରୀ ମାନେ ପ୍ରଦାନ କରିଥିଲେ। ଏହି ଆଲୋଚନା ସମୟରେ ରାଜେନ୍ଦ୍ର ପଣ୍ଡା, ଡୋଳାମଣି ମେହେର, କାହ୍ନୁ ଚରଣ ଶର୍ମା, ସୁଧିର ଦାଶ, ଦିଲୀପ ମିଶ୍ର, ସଞ୍ଜୀବ ପାଣିଗ୍ରାହୀ, ରୂପେଶ ପଟେଲ, ସନ୍ତୋଷ ପଣ୍ଡା, ଗୌରାଙ୍ଗ ଦାସ ପ୍ରମୁଖ ଅଞ୍ଚଳବାସୀଙ୍କ ସହିତ ଉପସ୍ଥିତ ରହିଥିଲେ।
Popular Categories
Previous article
Next article