ଭୁବେନଶ୍ବର : ରାଜ୍ୟରେ ସାକ୍ଷରତା ଦୃଷ୍ଟିରୁ ପଛୁଆ ଥିବା ୭ଟି ଜିଲାରେ କେନ୍ଦ୍ର ସରକାରଙ୍କ ନ୍ୟୁ ଇଣ୍ଡିଆ ଲିଟେରାସୀ ପ୍ରୋଗ୍ରାମ ଆରମ୍ଭ ହେବ। ୨୦୧୧ ଜନଗଣନା ଆନୁସାରେ, କଳାହାଣ୍ଡି, କୋରାପୁଟ, ନୂଆପଡ଼ା, ନବରଙ୍ଗପୁର, ମାଲକାନଗିରି, ରାୟଗଡ଼ା ଓ ଗଜପତି ଜିଲାରେ ସାକ୍ଷରତା ହାର୍ କମ୍ ରହିଛି। ତେଣୁ ଏସବୁ ଜିଲାର ୧୫ରୁ ୩୫ ବର୍ଷ ବ୍ୟକ୍ତି, ଯେଉଁମାନେ ପାଠ ପଢ଼ି ନ ଥିବେ ବା ଯେଉଁମାନେ ଅଧାରୁ ପାଠ ଛାଡ଼ିଥିବେ, ସେମାନଙ୍କୁ ସାକ୍ଷର କରାଯିବ।
ଅନଲାଇନ ମୋଡରେ ସାକ୍ଷରତା ସହ ସଂଖ୍ୟା ଶିକ୍ଷା ଦିଆଯିବ। ଶିକ୍ଷାଦାନ ପାଇଁ ବିଭିନ୍ନ ସ୍ବେଚ୍ଛାସେବୀ ସଂଗଠନ, ଏନଏସଏସ ଓ ଏନସିସି କ୍ୟାଡେଟଙ୍କ ସମେତ ଶିକ୍ଷକଙ୍କୁ ସାମିଲ କରିବାକୁ ଯୋଜନା ରହିଛି। ବ୍ୟୟ ଅଟକଳ, ଲୋକଙ୍କ ତାଲିକା ଓ କାର୍ଯ୍ୟକାରିତାର ପ୍ଲାନ ପ୍ରସ୍ତୁତ କରିବାକୁ ୭ ଜିଲାର ଶିକ୍ଷାଧିକାରଙ୍କୁ ପ୍ରାଥମିକ ଶିକ୍ଷା ନିର୍ଦେଶକ ଚିଠି ଲେଖିଛନ୍ତି। ସବିଶେଷ ତଥ୍ୟ କେନ୍ଦ୍ର ସରକାରଙ୍କ ପାଖକୁ ପଠାଇବା ପରେ ସାକ୍ଷରତା କାର୍ଯ୍ୟକ୍ରମ ଆରମ୍ଭ ହେବ। ସୂଚନାଯୋଗ୍ୟ, ସାରା ଦେଶରେ ଲାଗୁ ହେବାକୁ ଥିବା ନ୍ୟୁ ଇଣ୍ଡିଆ ଲିଟେରାସି ପ୍ରୋଗ୍ରାମ ପାଇଁ ୧୦୩୭.୯୦ କୋଟି ଟଙ୍କା ଖର୍ଚ୍ଚ ହେବ। ୨୦୨୨ରୁ ୨୦୨୭ ସୁଦ୍ଧା ୫ କୋଟି ଲୋକଙ୍କୁ ପୌଢ଼ଶିକ୍ଷା ଦିଆଯିବା ପାଇଁ ଲକ୍ଷ୍ୟ ରଖାଯାଇଛି।
୭ ଜିଲାରେ ବଢ଼ିବ ସାକ୍ଷରତା ହାର
Popular Categories
Previous article
Next article