ନୂଆଦିଲ୍ଲୀ : ସେଲଫି ନେବା ସମୟରେ ଅଧିକାଂଶ ବ୍ୟକ୍ତି ମୃତ୍ୟୁ ବରଣ କରୁଥିବା କିମ୍ବା ଦୁର୍ଘଟଣାର ଶିକାର ହେଉଥିବା ଦେଖାଯାଉଛି। କିନ୍ତୁ ଏବେ ଏମିତି ଏକ ଆପ ଆସିଛି ଯାହା ସାହାର୍ଯ୍ୟରେ ଆପଣ ସେଲଫି ନେବା ସମୟରେ ହେବାକୁ ଥିବା ଦୁର୍ଘଟଣାରୁ ରକ୍ଷା ପାଇପାରିବେ। ଏହି ଆପ ଆପଣଙ୍କୁ ସେଲଫି ନେବା ସମୟରେ ହେବାକୁଥିବା ବିପଦ ବିଷୟରେ ଆଗୁଆ ସୂଚନା ଦେଇଦେବ। ଇନ୍ଦ୍ରପ୍ରସ୍ତ ଇନଷ୍ଟିଟ୍ୟୁଟ ଅଫ ଇନଫରମେସନ୍ ଟେକ୍ନୋଲୋଜି ‘ସେପ୍ଟି’ ନାମକ ଏହି ନୂଆ ଆପ୍ ଆଣିଛି।
ଏହି ଆପ୍ ନିର୍ମାଣକାରୀ ଦଳର ମୁଖ୍ୟ ପ୍ରୋ. ପି କୁମାରଗୁରୁ କହିଛନ୍ତି, ଏହି ଆପ ସେଲଫି ନେବା ସମୟରେ ଘଟୁଥିବା ବିପଦରୁ ରକ୍ଷା କରିବାର ଏକ ପ୍ରୟାସ। ସେ କହିଛନ୍ତି ଏହି ଆପ ବିନାଇଣ୍ଟରନେଟରେ ମଧ୍ୟ କାମ କରିବ। ତେବେ ଆସନ୍ତୁ ଜାଣିବା କିଭଳି ଭାବେ ସର୍ତ୍ତକ କରାଇବ ଏହି ଆପ। ଉଦାହରଣ ସ୍ୱରୂପ- ସେଲଫି ନେବା ସମୟରେ ଯଦି ଆପଣ ରେଲୱେ ଲାଇନ ପାଖରେ ଅଛନ୍ତି, ଜଳାସୟ ପାଖରେ ଅଛନ୍ତି କିମ୍ବା ଆପଣଙ୍କ ପଛରେ ଏକ ଭୟଙ୍କର ଜନ୍ତୁ ଆସୁଥାଏ। ଏହି ଆପ ଆପଣଙ୍କୁ ସେ ବାବଦରେ ଆଗୁଆ ସୂଚନ ଦେଇଦେବ। ଆପଣଙ୍କ ପାଖକୁ ତତ୍କ୍ଷଣାତ ଏକ ନୋଟିଫିକେସନ ପଳାଇ ଆସିବ ଯେ ଆପଣ ବିପଦ ସ୍ଥାନରେ ଛିଡା ହୋଇଛନ୍ତି ବୋଲି।
ସେଲଫି ଦୁର୍ଘଟଣାରୁ ବଞ୍ଚାଇବ ଏହି ଆପ
Popular Categories
Previous article
Next article