କେନ୍ଦୁଝରଗଡ : ମେଜର ଆଶୁତୋଷ ତ୍ରିପାଠୀଙ୍କ ନେତୃତ୍ୱରେ କଟକ ଗୁପର ଏନ୍ସିସି କ୍ୟାଡେଟ୍ ସାଇକେଲ ଯୋଗେ ଚଳିତମାସ ୧୨ ତାରିଖରୁ ପରିଭ୍ରମଣରେ ବାହାରି ଦୀର୍ଘ ୬୫୦କି.ମି. ଯାତ୍ରା ପରେ ମଙ୍ଗଳବାର ଧରଣୀଧର ବିଶ୍ୱବିଦ୍ୟାଳୟ କେନ୍ଦୁଝରରେ ଆସି ରାତ୍ରି ଯାପନ କରିଥିଲେ । ଏହି ସାଇକେଲ ପରିଭ୍ରମଣ ସମୟରେ କ୍ୟାଡେଟ୍ ମାନେ ସାଇବର ଅପରାଧ ଓ ସାଇବର ଠକେଇରୁ କିଭଳି ନିଜକୁ ସୁରକ୍ଷିତ ରଖିବେ, ମହିଳା ସଶକ୍ତିକରଣ, ଅନ୍ଲାଇନ୍ ଠକେଇରୁ କିଭଳି ନିଜକୁ ସୁରକ୍ଷିତ ରଖିବେ ସେ ସମ୍ପର୍କରେ ସାଧାରଣରେ ସଚେତନତାର ବାର୍ତ୍ତା ବାଣ୍ଟି ଆସୁଛନ୍ତି । ଏହି କ୍ୟାଡେଟ୍ ମାନେ ବୁଧବାର ସମ୍ବଲପୁର ଅଭିମୁଖେ ଯାତ୍ରାରମ୍ଭ କରିବା ପୂର୍ବରୁ ଧରଣୀଧର ବିଶ୍ୱବିଦ୍ୟାଳୟ ପରିସରରେ ସମ୍ବଲପୁର ଗ୍ରୁପ୍ ବାଟାଲିୟନର ଆଡାମ ଅଫିସର ଲେଫ୍ଟନାଣ୍ଟ କର୍ଣ୍ଣେଲ ମୟୁର ଘାଡଗେ, ଧରଣୀଧର ବିଶ୍ୱବିଦ୍ୟାଳୟର କୁଳପତି ଡ. ପ୍ରତାପ କୁମାର ମହାନ୍ତି, ସ୍ନାତକୋତ୍ତର ପରିଷଦ ଅଧ୍ୟକ୍ଷ ଡ. ପ୍ରଭୁପ୍ରସାଦ ଦାସ, ଆସୋସିଏଟେଡ ଏନ୍ସିସି ଅଫିସର ଲେଫ୍ଟନାଣ୍ଟ ସଲମା କିସ୍କୁ ପ୍ରମୁଖ ଉପସ୍ଥିତ ରହି ସାଇକଲଥୋନ ସଦସ୍ୟଙ୍କୁ ପତାକା ହଲାଇ ଆଗାମୀ ଯାତ୍ରା ଶୁଭଦାୟକ ହେଉ ବୋଲି କାମନା କରିଥିଲେ । ଏହି କାର୍ଯ୍ୟକ୍ରମରେ ଏନ୍ସିସି ୧୪ ବାଟାଲିୟନ ଅଣ୍ଡର ଅଫିସର ରୋମ୍ୟରଞ୍ଜନ ସାହୁ, ସିନିୟର ଅଣ୍ଡର ଅଫିସର ଅମନ କୁମାର ହେମ୍ବ୍ରମ୍ ଏବଂ ଧରଣୀଧର ବିଶ୍ୱବିଦ୍ୟାଳୟର ସମସ୍ତ କ୍ୟାଡେଟ୍ ଉପସ୍ଥିତ ରହି ସାଇକେଲଥୋନର ସମସ୍ତ ସଦସ୍ୟଙ୍କୁ ଶୁଭେଛା ଜଣାଇଥିଲେ ।
Comments are closed.