ଲମତାପୁଟ: ବିଦ୍ୟୁତ୍ ତାର ସଂସ୍ପର୍ଶରେ ଆସି ଦମ୍ପତି ମୃତ। କୋରାପୁଟ ଜିଲ୍ଲା ନନ୍ଦପୁର ଥାନା ଗେରୁପୁଟ ଜଙ୍ଗଲ ନିକଟରେ ଅଭାବନୀୟ ଘଟଣା ଘଟିଛି। ବାରହା ଶିକାର ପାଇଁ ବିଛାଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ସ୍ଵାମୀ-ସ୍ତ୍ରୀଙ୍କର ଜୀବନ ଚାଲିଯାଇଛି। ଉଭୟ କାଠ ସଂଗ୍ରହ କରିବା ଲାଗି ଜଙ୍ଗଲକୁ ଯାଇଥିଲେ। ମୃତକ ଗେରୁପୁଟ ଗାଁର ବଳରାମ ଗାଲେଲ୍ ଏବଂ ବଲା ଗାଲେଲ୍ ବୋଲି ଜଣାପଡିଛି। ସୂଚନା ମୂତାବକ ବଳରାମ ଏବଂ ବଲା ନନ୍ଦପୁର ହାଟପଦା ନିକଟରେ ଏକ ଚା ଦୋକାନ କରି ପରିବାର ପ୍ରତିପୋଷଣ କରନ୍ତି। ଗତକାଲି ଉଭୟ ଦମ୍ପତି ନିକଟସ୍ଥ ଜଙ୍ଗଲକୁ କାଠ ଆଣିବା ଲାଗି ଯାଇତିଲେ। କିନ୍ତୁ ଦୀର୍ଘ ସମୟ ଧରି ନଫେରିବାରୁ ଗାଁଲୋକେ ବହୁ ଖୋଜାଖୋଜି କରିଥିଲେ। ଶେଷରେ ଜଙ୍ଗଲ ଭିତରେ ଶିକାର ଲାଗି ବିଛା ଯାଇଥିବା ବିଦ୍ୟୁତ୍ ତାର ନିକଟରେ ଉଭୟଙ୍କର ମୃତଦେହ ପଡିଥିବା ଦେଖିବାକୁ ପାଇଥିଲେ। ପରେ ଗାଁ ଲୋକେ ତୁରନ୍ତ ଏ ନେଇ ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୁଲିସ୍ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.