ନବରଙ୍ଗପୁର:ବିଜୁଜନତାଦଳ ଛାଡି ଭାରତୀୟ ଜନତାପାର୍ଟି ରେ ଯୋଗଦେଇଥିବା ଉମରକୋଟର ବରିଷ୍ଠନେତା ସୟଦ୍ କାଜମ୍ ମଦାନୀ ଙ୍କୁ ରାଜ୍ୟ ବିଜେପି ସଂଖ୍ୟାଲଘୁ ମୋର୍ଚ୍ଚାର ଉପସଭାପତି ଭାବେ ଦାୟୀତ୍ୱ ଦିଆଯାଇଛି। ରାଜ୍ୟ ବିଜେପି ସଭାପତି ସମୀର ମହାନ୍ତିଙ୍କର ଅନୁମୋଦନ କ୍ରମେ ରାଜ୍ୟ ବିଜେପି ସଂଖ୍ୟାଲଘୁ ମୋର୍ଚ୍ଚାର ସଭାପତି ସିକନ୍ଦର ଅଲ୍ଲୀ ତାଙ୍କୁ ରାଜ୍ୟ ଉପସଭାପତି ଭାବେ ମନୋନୀତ କରିଛନ୍ତି। କାଜମ ମଦାନୀ ଜଣେ ଲୋକ ପ୍ରିୟ ଟାଣୁଆ ନେତା ହୋଇଥିବାବେଳେ ଜଣେ ସମାଜସେବୀ ଭାବେ ସେ ଆଦିବାସୀ ସମାଜରେ ବେଶ୍ ଆଦୃତ।
ଏହି ନୂତନ ଦାୟୀତ୍ୱ ମିଳିବା ପରେ ଜିଲା ବିଜେପି ମହଲରେ ଉତ୍ସାହ ପ୍ରକାଶ ପାଇଛି। ତାଙ୍କୁ ରାଜ୍ୟ ବିଜେପି ଉପସଭାପତି ପୂର୍ବତନ ସାଂସଦ ବଳଭଦ୍ର ମାଝୀ, ପୂର୍ବତନ ସାଂସଦ ପର୍ଶୁରାମ ମାଝୀ, ରାଜ୍ୟ ବିଜେପି ଆଦିବାସୀ ମୋର୍ଚ୍ଚା ସଭାପତି ତଥା ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ, ଜିଲା ବିଜେପି ସଭାପତି ଜଗଦିଶ ଚନ୍ଦ୍ର ବିଷୋୟୀ ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟ ରମେଶ ଚନ୍ଦ୍ର ସାହୁ ପ୍ରମୁଖ ଶୁଭଚ୍ଛୋ ଜଣାଇଛନ୍ତି।
Comments are closed.