ଭୁବନେଶ୍ୱର : ବ୍ଲକଗ୍ରାଣ୍ଟ ଶିକ୍ଷକ ମାନେ ଗୁରୁଦିବସକୁ କଳା ଦିବସ ଭାବେ ପାଳନ କରିଛନ୍ତି । ଆନ୍ଦୋଳନକୁ ତୀବ୍ରତର କରି ଗୁରୁବାର ଠାରୁ ଏକକାଳୀନ ସବୁ ବ୍ଲକଗ୍ରାଣ୍ଟ ସ୍କୁଲ ଓ କଲେଜରେ ତାଲା ପକାଇବାକୁ ମିଳିତ ମଞ୍ଚ ନିଷ୍ପତ୍ତି ନେଇଛି। ସରକାର ତାଙ୍କ ଦାବୀ ପୂରଣ କରୁ ନଥିବାରୁ ମଞ୍ଚ ଏପରି ନିଷ୍ପତ୍ତି ନେଇଛି। ବ୍ଲକଗ୍ରାଣ୍ଟ ଉଚ୍ଛେଦ ସହ ପୂର୍ଣ୍ଣ ଅନୁଦାନ ଓ ଚାକିରି ସର୍ତ୍ତାବଳୀ ଲାଗୁ ଦାବିରେ ରାଜଧାନୀରେ ରାଜାରାସ୍ତାରେ ଆଜିକୁ ୨୧ ଦିନ ହେଲା ଶିକ୍ଷକ ଆନ୍ଦୋଳନ ଚାଲିଛି। ଅନ୍ୟ ପକ୍ଷରେ ଆନ୍ଦୋଳନରୁ ଓହରିଯିବା ଯିବା ପାଇଁ ସ୍କୁଲ ଓ ଗଣ ଶିକ୍ଷା ମନ୍ତ୍ରୀ ଅନନ୍ତ ଦାସ ଶିକ୍ଷକ ମାନଙ୍କୁ ଅନୁରୋଧ କରିଛନ୍ତି।
