ଆବଶ୍ୟକ ସାମଗ୍ରୀ
ଛତୁ – ୪୦୦ ଗ୍ରାମ
ତେଲ – ୬ରୁ ୭ ଚାମଚ
କଟା ଆଳୁ – ୨ଟି
କଟା ପିଆଜ – ୨ଟି
କଟା ଟମାଟୋ – ୨ଟି
ଅଦା,ରସୁଣ ବଟା -୨ ଚାମଚ
କଟା ଧନିଆ ପତ୍ର
ଲୁଣ – ଆବଶ୍ୟକ ଅନୁଯାୟୀ
ଜିରା ଗୁଣ୍ଡ
ଧନିଆ ଗୁଣ୍ଡ
ଗରମ ମସଲା
ଅଳ୍ପ ତେନ୍ତୁଳି ରସ
ପ୍ରସ୍ତୁତି ପ୍ରଣାଳୀ – ପ୍ରଥମେ ଛତୁକୁ ଭଲ ଭାବେ ଧୋଇ ରଖନ୍ତୁ। ଏହା ପରେ ଗ୍ୟାସ ଲଗାଇ କଡ଼େଇ ଗରମ କରନ୍ତୁ। ଏବେ ଏଥିରେ ତେଲ ପକାନ୍ତୁ। ତେଲ ଗରମ ହେବା ପରେ ଏଥିରେ ଛତୁ ପକାଇ ହଳଦୀ ,ସାମାନ୍ୟ ଲୁଣ ପକାନ୍ତୁ। ଛତୁରୁ ପାଣି ବାହାରିବା ପରେ ଏହି ପାଣିକୁ ଏକ ପାତ୍ରକୁ କାଢି ଦିଅନ୍ତୁ। ପାଣି କାଢିବା ପରେ ଆଉ କିଛି ସମୟ ଛତୁ ଭାଜନ୍ତୁ। ଏବେ ଏହାକୁ ଏକ ପାତ୍ରକୁ କାଢି ଦିଅନ୍ତୁ।କଡ଼େଇରେ ପୁଣି ତେଲ ପକାଇ ଏଥିରେ ଆଳୁ ଭାଜନ୍ତୁ। କିଛି ସମୟ ଭାଜି ଏକ ପାତ୍ରକୁ କାଢି ଦିଅନ୍ତୁ। ଏହା ପରେ କଡ଼େଇରେ ଆଉ କିଛି ତେଲ ପକାଇ ଫୁଟଣ , ପିଆଜ ପକାନ୍ତୁ। ପିଆଜ ଭାଜି ହେବା ପରେ ଏଥିରେ ଟମାଟୋ, ଅଦା ରସୁଣ ବଟା ,ହଳଦୀ ଗୁଣ୍ଡ,ଲଙ୍କା ଗୁଣ୍ଡ,ଅଳ୍ପ ଲୁଣ ପକାଇ ଭଲ ଭାବେ କଷନ୍ତୁ। କଷି ହେବା ପରେ ଏଥିରେ ଭଜା ହୋଇ ରହିଥିବା ଆଳୁ ଓ ଛତୁ ପକାଇ ପାଣି ଅଳ୍ପ ଦେଇ ଘୋଡ଼ାଇ ଦିଅନ୍ତୁ। କିଛି ସମୟ ଫୁଟିବା ପରେ ଏଥିରେ ଜିରା ଗୁଣ୍ଡ,ଧନିଆ ଗୁଣ୍ଡ,ଗରମ ମସଲା ପକାନ୍ତୁ। କିଛି ସମୟ ପରେ ଏଥିରେ ସାମାନ୍ୟ ତେନ୍ତୁଳି ରସ ପକାଇ ୧ ମିନିଟ ଫୁଟାନ୍ତୁ। ଏହା ପରେ ଏକ ପାତ୍ରକୁ କାଢି ଧନିଆ ପତ୍ର ଦେଇ ସଜାଇ ଦିଅନ୍ତୁ। ପ୍ରସ୍ତୁତ ହୋଇଗଲା ମସଲା ଛତୁ।
