ମୁମ୍ବାଇ: ଯୁବ ତାରକା ଶ୍ରେୟଶ ଆୟରଙ୍କୁ ପୁଣି ଅଣଦେଖା । ଏସିଆ କପ୍ କ୍ରିକେଟ ପାଇଁ ଦଳରୁ ବାଦ୍ ପଡ଼ିବା ପରେ ଏବେ ଆଉ ଏକ ଝଟକା ଲାଗିଛି । ମୁମ୍ବାଇ ଟିମର ନିୟମିତ ଅଧିନାୟକ ଅଜିଙ୍କ୍ୟ ରାହାଣେ ତାଙ୍କ ପଦରୁ ଓହରି ଯିବା ପରେ ଶ୍ରେୟଶ ଅଧିନାୟକ ହେବେ ବୋଲି ସମସ୍ତେ ଆଶା ରଖିଥିଲେ । ମାତ୍ର ଅଲରାଉଣ୍ଡର ଶାର୍ଦ୍ଦୁଳ ଠାକୁର ମୁମ୍ବାଇର ଅଧିନାୟକ ଦାୟିତ୍ୱ ତୁଲାଇବେ ବୋଲି ସୂଚନା ମିଳିଛି । ଦୁଲୀପ ଟ୍ରଫି ୨୦୨୫ରେ ଶ୍ରେୟାଶଙ୍କୁ ପଶ୍ଚିମାଂଚଳର ଅଧିନାୟକ ନିଯୁକ୍ତ କରାଯାଇଥିଲା । ସୟେଦ ମୁସ୍ତାକ ଅଲୀ ଟ୍ରଫି ଓ ବିଜୟ ହଜାରେ ଟ୍ରଫିରେ ମଧ୍ୟ ଶ୍ରେୟାଶ ଅଧିନାୟକ ଦାୟିତ୍ୱ ତୁଲାଇଥିଲେ ।
ମୁମ୍ବାଇ ଚୟନ କମିଟି କଣ ପାଇଁ ଶ୍ରେୟାଶଙ୍କୁ ଏହି ଦାୟିତ୍ୱ ପ୍ରଦାନ କଲେନି ତାହା ବୁଝା ପଡୁନି । ୨୦୨୪ରେ ଶ୍ରେୟାଶ ବିସିସିଆଇ ସେଂଟ୍ରାଲ କଂଟ୍ରାକ୍ଟରୁ ମଧ୍ୟ ବାଦ ପଡିଥିଲେ । ପରେ ସେ ତାଙ୍କ ତ୍ରୁଟି ସୁଧାରି ଘରୋଇ କ୍ରିକେଟ, ଆଇପିଏଲ ଓ ଅନ୍ତର୍ଜାତୀୟ ମ୍ୟାଚରେ ଭଲ ପ୍ରଦର୍ଶନ ଜାରୀ ରଖିଛନ୍ତି । ଚାମ୍ପିଅନ୍ସ ଟ୍ରଫିରେ ସେ ସର୍ବାଧିକ ରନ ସଂଗ୍ରହ କରି ଭାରତକୁ ଚାମ୍ପିୟନ କରାଇବାରେ ମୂଖ୍ୟ ଭୂମିକା ଗ୍ରହଣ କରିଥିଲେ । ୨୦୨୫ ଆଇପିଏଲରେ ସେ ୬୦୦ ରୁ ଅଧିକ ରନ୍ ସ୍କୋର କରିଥିଲେ । ତେବେ ଶ୍ରେୟାଶ ଆୟାରଙ୍କୁ ବାରମ୍ବାର ଅଣଦେଖା କରିବା ଅନେକ ପ୍ରଶ୍ନ ସଷ୍ଟି କରୁଛି ।
