ରିଲାଏନ୍ସ ଜିଓର ନିର୍ଦେଶକ ପଦରୁ ଇସ୍ତଫାଦେଲେ ମୁକେଶ ଅମ୍ବାନୀ- ପୁଅ ଆକାଶଙ୍କୁ ମିଳିଲା ଦାୟିତ୍ୱ
ମୁମ୍ବଇ – ରିଲାଏନ୍ସ ଜିଓ ଇଲଫୋକମ୍ର ଲିମିଟେଡ୍ର ନିର୍ଦେଶକ ପଦରୁ ମୁକେଶ ଅମ୍ବାନୀ ଇସ୍ତଫା ଦେଇଛନ୍ତି । ପୁଅ ଆାକଶ ଅମ୍ବାନୀଙ୍କୁ ଏହାର ଚେୟାରମ୍ୟାନ ଭାବେ ନିଯୁକ୍ତି ଦିଆଯାଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି । ୬୫ ବର୍ଷିୟ ମୁକେଶଙ୍କ ଏହି ପଦକ୍ଷେପକୁ ଏବେ ତାଙ୍କର ଉତ୍ତରାଧିକାରୀଙ୍କୁ ଦାୟିତ୍ୱ ହସ୍ତାନ୍ତର ପ୍ରକ୍ରିୟା ବୋଲି ଅର୍ଥନୈତିକ ବିଶେଷଜ୍ଞମାନେ ମତ ଦେଇଛନ୍ତି ।
ଷ୍ଟକ୍ ଏକ୍ସଚେଞ୍ଜ୍କୁ ଦିଆଯାଇଥିବା ସୂଚନା ଅନୁସାରେ ରିଲାଏନ୍ସ ଜିଓ ଇଲଫୋକମ୍ କମ୍ପାନୀର ବୋର୍ଡ ଜୁନ୍ ୨୭ ତାରିଖରେ ଆକାଶ ଅମ୍ବାନୀଙ୍କ ନିଯୁକ୍ତିକୁ ସମ୍ମତି ପ୍ରଦାନ କରିଛନ୍ତି । ମୁକେଶ ଅମ୍ବାନୀ ଇସ୍ତଫା ଦେବା ପରେ ଏହା କାର୍ଯ୍ୟକାରୀ ହୋଇଥିବା କଥା ଜଣାପଡିଛି । ରମିନ୍ଦର ସିଂ ଗୁଜୁରାଲ୍ ଏବଂ କେଭି ଚୌଧୁରୀଙ୍କୁ ଇଣ୍ଡିପେଣ୍ଡେଟ୍ ଡାଇରୋକ୍ଟର ଭାବେ ନିଯୁକ୍ତି ଦିଆଯାଇଛି ।
Comments are closed.