ପାଟଣା : ବିହାରର ମୁଜାଫର୍ପୁର କନ୍ୟାଶ୍ରମରେ ୩୪ ଜଣ ବାଳିକାଙ୍କୁ ଯୌନ ନିର୍ଯ୍ୟାତନା ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ବୁଧବାର ଏକ ମାମଲା ରୁଜ୍ଜୁ କରିଛି । ସିବିଆଇ ଦ୍ୱାରା ଦାଖଲ ଏତଲା ଆଧାରରେ ଇଡି ଏହି ମାମଲା ରୁଜ୍ଜୁ କରିଛି । କନ୍ୟାଶ୍ରମର ମାଲିକ ବ୍ରଜେଶ ଠାକୁରଙ୍କ ସମେତ କଳାଧନ ବୈଧ ମାମଲାରେ ଅଭିଯୁକ୍ତଙ୍କୁ ଇଡି ଖୁବ୍ ଶୀଘ୍ର ସମନ୍ ଜାରି କରିବ। ପ୍ରବର୍ତ୍ତନ ନିର୍ଦ୍ଦେଶାଳୟ କଳାଧନ ବ୍ୟବହାର ହୋଇଛି କି ନାହିଁ, ସେ ବିଷୟ ସୁନିଶ୍ଚିଚ କରିବା ସହିତ ଅପରାଧିକ କାର୍ଯ୍ୟକଳାପର ତଦନ୍ତ କରିବ। ରାଜ୍ୟ ସରକାରଙ୍କ ଅନୁଦାନରେ ଚାଲିଥିବା ସେହି କନ୍ୟାଶ୍ରମକୁ ବ୍ରଜେଶ ଠାକୁର ପରିଚାଳନା କରୁଥିଲେ ଏବଂ ୩୦ ଜଣ ବାଳିକାଙ୍କୁ ସେଠାରେ ଦୁଷ୍କର୍ମ ହୋଇଥିବା ମାମଲା ପୂର୍ବରୁ ରୁଜ୍ଜୁ ହୋଇଛି। ବ୍ରଜେଶ ଠାକୁରଙ୍କ ସମେତ ୧୧ ଜଣଙ୍କ ବିରୋଧରେ ଚଳିତ ବର୍ଷ ମେ ମାସ ୩୧ ତାରିଖରେ ଏ ସମ୍ପର୍କିତ ଏଫଆଇଆର ରୁଜ୍ଜୁ କରାଯାଇଥିଲା। ପରେ ସମ୍ପୃକ୍ତ ଏନଜିଓକୁ କଳା ତାଲିକାଭୁକ୍ତ କରାଯିବା ସହିତ ସେଠାରେ ରହୁଥିବା ବାଳିକାମାନଙ୍କୁ ପାଟନା ଏବଂ ମଧୁବନୀସ୍ଥିତ କନ୍ୟାଶ୍ରମକୁ ସ୍ଥାନାନ୍ତର କରାଯାଇଥିଲା। ଏହି ମାମଲାରେ ବ୍ରଜେଶ ଠାକୁରଙ୍କ ସମେତ ପୁଲିସ୍ ସେଠାକାର ମହିଳା କର୍ମଚାରୀମାନଙ୍କୁ ଗିରଫ କରିଥିଲା।
Popular Categories
Previous article
Next article