ଆଠଗଡ : ଆଠଗଡ ବ୍ଲକର ଯୋରନ୍ଦାସ୍ଥିତ ମାଧବ ସାମନ୍ତ ସିଂହାର ବିଦ୍ୟାପୀଠର ସ୍କାଉଟ ଉଲ୍ଲେଖନୀୟ କାର୍ଯ୍ୟ ପାଇଁ ରାଜ୍ୟପାଳଙ୍କ ଦ୍ୱାରା ପୁରସ୍କୃତ ହୋଇଥିବା ଜଣାପଡିଛି । ରାଜଭବନର ଅଭିଷେକ ହଲ୍ରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ଏମଏସଏସ ବିଦ୍ୟାପୀଠର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଦିପ୍ତୀମୟୀ ନାୟକ ଓ ସ୍କାଉଟ ମାଷ୍ଟର ସନ୍ତୋଷ କୁମାର ତ୍ରିପାଠୀଙ୍କୁ ପୁରସ୍କୃତ କରିଥିଲେ । ୨୦୨୨ଶିକ୍ଷାବର୍ଷରେ ବିଦ୍ୟାଳୟର ଶିବାଜୀ ସ୍କାଉଟ ଟ୍ରୁପ୍ ବିଦ୍ୟାଳୟ ତଥା ବିଭିନ୍ନ ଗ୍ରାମାଞ୍ଚଳରେ ବୃକ୍ଷ ଚାରା ରୋପଣ, ତମାଖୁ ବର୍ଜନ, ବନ୍ୟଜନ୍ତୁ ସଂରକ୍ଷଣ, ବାଦୁଡି କ୍ଲବ ମାଧ୍ୟମରେ ବାଦୁଡିଙ୍କ ସଂରକ୍ଷଣ, ଜଳଛତ୍ର ମାଧ୍ୟମରେ ଜଳଦାନ ଓ ବାଲ୍ୟବିବାହ ବିରୋଧ ଭଳି ବହୁ ସଚେତନଧର୍ମୀ କାର୍ଯ୍ୟ କରି ପ୍ରଧାନମନ୍ତ୍ରୀ ଫଳକ ପ୍ରତିଯୋଗିତାରେ ଅଂଶଗ୍ରହଣ କରିଥିବାରୁ ସେମାନଙ୍କୁ ରାଜ୍ୟପାଳ ପୁରସ୍କୃତ କରିଥିଲେ ବୋଲି ଜଣାପଡିଛି । ଏହି ଉତ୍ସବରେ ଶିବାଜୀ ସ୍କାଉଟ ଟ୍ରୁପର ୧୦ଜଣ ଓ ୫ଜଣ ଗାଇଡ ମଧ୍ୟ ଯୋଗଦାନ କରିଥିଲେ।
Popular Categories
Previous article
Next article