ଭୁବନେଶ୍ୱର : ବିର୍ଲା ଗ୍ଲୋବାଲ ୟୁନିଭର୍ସିଟି, ଭୁବନେଶ୍ୱର ଓ ତାଞ୍ଜାନିଆସ୍ଥିତ ଡାର-ଏସ୍-ସଲାମର ଇନ୍ଷ୍ଟିଚ୍ୟୁଟ୍ ଅଫ୍ ଫାଇନାନ୍ସ ମ୍ୟାନେଜମେଣ୍ଟ (ଆଇଏଫ୍ଏମ୍) ମଧ୍ୟରେ ଏକ ଚୁକ୍ତିପତ୍ର ସ୍ୱାକ୍ଷରିତ ହୋଇଯାଇଛି । ଆଇଏଫ୍ଏମ୍ ହେଉଛି ଡାର-ଏସ୍-ସଲାମ, ତାଞ୍ଜାନିଆର ଏକ ସରକାରୀ ଉଚ୍ଚ ଶିକ୍ଷା ପ୍ରତିଷ୍ଠାନ ଯାହା ବ୍ୟାଙ୍କିଙ୍ଗ୍, ବୀମା, ସାମାଜିକ ସୁରକ୍ଷା, ଟିକସ ଏବଂ ଆକାଉଣ୍ଟିଂ କ୍ଷେତ୍ରରେ ଟ୍ରେନିଂ, ରିସର୍ଚ୍ଚ ଏବଂ ପରାମର୍ଶ ପ୍ରଦାନ କରିବା ପାଇଁ ୧୯୭୨ ମସିହାରେ ପ୍ରତିଷ୍ଠା ହୋଇଥିଲା । ବିଜିୟୁ କୁଳପତି ପ୍ରଫେସର ପି. ପି. ମାଥୁର ଏବଂ ତାଞ୍ଜାନିଆର ଇନ୍ଷ୍ଟିଚ୍ୟୁଟ୍ ଅଫ୍ ଫାଇନାନ୍ସ ମ୍ୟାନେଜମେଣ୍ଟ (ଆଇଏଫ୍ଏମ୍)ର ପ୍ରଫେସର ଜୋସେଫଟ୍ ଡାନିଏଲ ଲୋଟୋ ଏହି ଚୁକ୍ତିପତ୍ର ସ୍ୱାକ୍ଷର କରିଛନ୍ତି ।
ଏହି ଅବସରରେ ବିଜିୟୁ ରେଜିଷ୍ଟ୍ରାର ପ୍ରଫେସର ବି.କେ. ଦାସ, ବିର୍ଲା ସ୍କୁଲ ଅଫ୍ ମ୍ୟାନେଜମେଣ୍ଟର ଡିନ୍ ପ୍ରଫେସର ପି. ନାୟକ, ବିର୍ଲା ସ୍କୁଲ ଅଫ୍ କମର୍ସର ଡିନ୍ ପ୍ରଫେସର ସାମସନ ମହାରଣା, ଆଇଏଫ୍ଏମ୍ର ପ୍ରଫେସର ଟେଡୋ ସଟ୍ଟା, ଆଇଏଫ୍ଏମ୍ର ବରିଷ୍ଠ ଅଧ୍ୟାପକ ବର୍ଣ୍ଣାଡ ମଞ୍ଜଭା, ବିଜିୟୁର ଆସୋସିଏଟ୍ ପ୍ରଫେସର ପି.କେ ସନ୍ନ୍ୟାଲ, ଇଣ୍ଟରନ୍ୟାଶନାଲ ରିଲେସନ୍ସ କମିଟିର ଅଧ୍ୟକ୍ଷ ତଥା ଆସୋସିଏଟ୍ ପ୍ରଫେସର ଡଃ ଅର୍ଚ୍ଚନା ଚୈାଧୁରୀ ପ୍ରମୁଖ ଉପସ୍ଥିତ ଥିଲେ । ଦୁଇ ଶିକ୍ଷାନୁଷ୍ଠାନ ମଧ୍ୟରେ ସ୍ୱାକ୍ଷରିତ ହୋଇଥିବା ଚୁକ୍ତିପତ୍ର ଆନ୍ତର୍ଜାତୀୟ ବୁଝାମଣାକୁ ସୁଦୃଢ କରିବା ସହ ରିସର୍ଚ୍ଚ ଓ ଅନ୍ୟାନ୍ୟ କାର୍ଯ୍ୟକ୍ରମକୁ ପ୍ରୋତ୍ସାହିତ କରିବ ଯାହା ଉଭୟ ଶିକ୍ଷାନୁଷ୍ଠାନ ପାଇଁ ସହାୟକ ହେବ ।
