ରାସ୍ତାରେ ନାବାଳିକାଙ୍କୁ ଅସଦାଚରଣ

ଜେହାନାବାଦ୍‍(ବିହାର): ରାସ୍ତା ଉପରେ ଜନୈକା ନାବାଳିକାଙ୍କୁ ୬ ଜଣ ଯୁବକ ଅସଦାଚରଣ କରିଥିବା ଭିଡିଓ ଭାଇରାଲ୍‍ ହୋଇଛି। ଜନଗହଳି ରାସ୍ତାରେ ଅଭିଯୁକ୍ତମାନେ ନାବାଳିକାଙ୍କ ପୋଷାକ ଟଣାଓଟରା କରିବା ସହିତ ଅସଦାଚରଣ କରିଥିଲେ। ନାବାଳିକା ଜଣକ ଅସହାୟ ଭାବେ ଏକୁଟିଆ ଲଢ଼ି ନିଜକୁ ବଞ୍ଚାଇବା ପାଇଁ ଚେଷ୍ଟା କରୁଥିଲେ ମଧ୍ୟ କେହି ସାହାଯ୍ୟ କରି ନ ଥିଲେ। ସୋସିଆଲ୍‍ ମିଡିଆରେ ଭିଡିଓ ଭାଇରାଲ୍‍ ହେବା ପରେ ପୁଲିସ ୪ ଜଣଙ୍କୁ ଗିରଫ କରିଛି। ଉକ୍ତ ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦେଶ ଦିଆଯାଇଛି। ଅଭିଯୁକ୍ତମାନେ ନାବାଳକ ବୋଲି ପୁଲିସ କହିଛି। ସେମାନଙ୍କଠାରୁ ଗୋଟିଏ ମୋଟର ସାଇକେଲ୍‍ ଓ ଭିଡିଓ ଉତ୍ତୋଳନ କରାଯାଇଥିବା ମୋବାଇଲ୍‍ ଫୋନ୍‍କୁ ପୁଲିସ ଜବତ କରିଛି।