ମୋହନା : ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଫାଣ୍ଡି ଅଧିନସ୍ତ ଟାଙ୍ଗିଲିପଦର ନିକଟରେ ଗୋଟିଏ ଚାରି ଚକିଆ ଯାନ ଭାରସାମ୍ୟ ହରାଇ ଓଲଟି ପଡିଛି । ଗଜପତି ଜିଲ୍ଲା ପାରାଖେମୁଣ୍ଡି ପାନୀୟ ଜଳ ଯୋଗାଣ ବିଭାଗ କନିଷ୍ଠ ଯନ୍ତ୍ରୀ ସ୍ଵଂପ୍ରଭା ସେଠୀଙ୍କ କାର୍ଯ୍ୟାଳୟରେ ଲାଗିଥିବା ଗାଡ଼ି ନଂ -ଓଡ଼ି୩୩ ଏଇ୬୧୧୨ ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡିଛି ।
ଏହି ଗାଡ଼ିଟି ମରାମତି ପାଇଁ ଭୁବନେଶ୍ବର ଯାଇଥିଲା। ସେଠାରୁ ଗାଡ଼ିଟି ମରାମତି ହୋଇ ଫେରିବା ବେଳେ କନିଷ୍ଟ ଯନ୍ତ୍ରୀ ଙ୍କୁ ରା.ଉଦୟଗିରି ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ପାଇଁ ଛାଡିଥିଲା । ମାତ୍ର ଗାଡିଟି ଓଲଟି ପଡିବା ପରେ ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚନ୍ଦ୍ରଗିରି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥଲେ । ଚାଳକ ମନୋଜ ଗମାଙ୍ଗ (୨୫) ମଦ୍ୟପାନ କରି ଗାଡି ଚଳାଉଥିବା ଯୋଗୁଁ ଦୁର୍ଘଟଣା ହୋଇଥିବା ନେଇ ଡାକ୍ତର ସୂଚନା ଦେଇଛନ୍ତି । ତାଙ୍କ ଛାତିରେ ଗଭୀର ଆଘାତ ଲାଗିଥିବାରୁ ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି।
Comments are closed.