ମୋହନା: ଗଜପତି ଜିଲ୍ଲା ମୋହନାରେ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏଠାକାର ପରିମଳ ବ୍ୟବସ୍ଥା ଓ ପାନୀୟ ଜଳ ହିଁ ଡ଼େଙ୍ଗୁ ବ୍ୟାପିବାର ମୁଖ୍ୟ କାରଣ ବୋଲି ବୁଦ୍ଧିଜୀବିମାନେ ମତ ଦେଇଛନ୍ତି। କାରଣ ମୋହନା ସହରର ନାରାୟଣ ନଗର ରାସ୍ତା, ପାଣ୍ଡା ଛକ, ପୁରୁଣା ବ୍ରିଜ୍ ସାହି, ଥାନା ଛକ, ଖ୍ରୀଷ୍ଟିଆନ, ହାଇସ୍କୁଲ ଛକ, ରଙ୍ଗମାଟିଆ ସାହି ଭଳି ଅନେକ ସ୍ଥାନରେ ଅଳିଆ ଆବର୍ଜନା କୁଢ କୁଢ ହୋଇ ପଡ଼ି ରହିଥିଲା। ତତସହିତ ସାହି ଗୁଡିକର ଡ୍ରେନ ଅଵସ୍ଥା ଓ ବ୍ୟବସ୍ଥା ନ କହିବା ଭଲ।
ମୋହନା ମେଡ଼ିକାଲରେ ସିବିସି ମେସିନ ଖତ ଖାଉଥିବା ବେଳେ ପ୍ରଶାସନ ପକ୍ଷରୁ ଚନ୍ଦ୍ରଗିରି ସ୍ୱାସ୍ଥ୍ୟ କେନ୍ଦ୍ରରୁ ସିବିସି ମେସିନ ଆଣି ପରୀକ୍ଷା କରାଯାଉଛି। ବ୍ଲକର ପ୍ରାୟ ଲୋକେ ବ୍ରହ୍ମପୁର ଡାକ୍ତରଖାନା ଓ ଘରୋଇ କ୍କିନିକ ଉପରେ ଭରଷା କରିଥାନ୍ତି।ଭୂବନେଶ୍ଵର ସ୍ଥିତ ଏକ ଘରୋଇ ମେଡିକାଲରୁ କିଛି ବିଶେଷଜ୍ଞ ଆସି ୩ ଦିନ ହେଲା ମୋହନା ସହରରେ ରହି ରକ୍ତ ନମୁନା ପରୀକ୍ଷା କରୁଛନ୍ତି। ଯାହା ଫଳରେ ପ୍ରତିଦିନ ଡ଼େଙ୍ଗୁ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଗୁରୁବାର ଦିନ ୧୦ ଜଣଙ୍କ ରକ୍ତ ନମୁନା ପରୀକ୍ଷା କରାଯାଇଥିବା ବେଳେ ଜଣେ ଡ଼େଙ୍ଗୁରେ ଆକ୍ରାନ୍ତ ହୋଇଥିବା ଖବର ମିଳିଛି।
Comments are closed.