ମୋହନା: ପ୍ରାୟ ୨ ବର୍ଷ ପରେ ସୋମବାର ଠାରୁ ପ୍ରଥମରୁ ସପ୍ତମ ଶ୍ରେଣୀ ଯାଏଁ ବିଦ୍ୟାଳୟ ଖୋଲିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ନିର୍ଦେଶ ଦିଆଯାଇଥିଲା। ଏହାକୁ ଦୃଷ୍ଟିରେ ରଖି ଗଜପତି ଜିଲା ମୋହନା ବ୍ଲକର ଉପାନ୍ତ ଅଞ୍ଚଳ ଗୁଡିକରେ ରହିଥିବା ସମସ୍ତ ପ୍ରାଥମିକ ବିଦ୍ୟାଳୟ ଖୋଲିଛି। ମୋହନା ବ୍ଲକ ଲିଲିଗଡ଼ ବିଦ୍ୟାଳୟର ଛାତ୍ରଛାତ୍ରୀମନେ ବିଦ୍ୟାଳୟ ଫାଟକକୁ ଆସିବା ପରେ ଶିକ୍ଷକମାନେ ବାଜା ବଜାଇ ଫୁଲ ତୋଡା ଦେଇ ଛାତ୍ରଛାତ୍ରୀମାନଙ୍କୁ ସ୍ୱାଗତ କରିଥିଲେ । ସେହିଭଳି ବ୍ଲକରେ ରହିଥିବା ବହୁ ସଂଖ୍ୟକ ବିଦ୍ୟାଳୟରେ ଛୋଟ ଛୋଟ ଶିଶୁମାନଙ୍କୁ ଚନ୍ଦନ, ସିନ୍ଦୁର ଓ ନାଚ ଗୀତ ମାଧ୍ୟମରେ କର୍ତ୍ତୃପକ୍ଷ ପାଛୋଟି ଆଣିଥିଲେ। ୨ବର୍ଷ ହେଲା ଘରେ ରହି ପିଲାମାନେ ଭଲ ପାଠ ପଢିବାରୁ ବଞ୍ଚିତ ହେଉଥିବା ବେଳେ ଏତେ ଦିନ ପରେ ପିଲାମାନେ ବିଦ୍ୟାଳୟକୁ ଆସି ସାଙ୍ଗ ସାଥିମାନଙ୍କ ସହ ଦେଖା ହେବା, ମିଳିମିଶି ପାଠ ପଢିବା ଓ ଖେଳକୁଦର ସୁଯୋଗ ମିଳିଥିବାରୁ ଛାତ୍ର ଛାତ୍ରୀ ଓ ଅବିଭାବକ ମାନେ ବେଶ ଖୁସି ହୋଇଥିବା ଦେଖିବାକୁ ମିଳିଛି ।
Popular Categories
Previous article
Next article