ମୋହନା : ଗଜପତି ଜିଲ୍ଲା ମୋହନା ବ୍ଳକ ଅଞ୍ଚଳରେ ଶ୍ରୀଜଗନ୍ନାଥଙ୍କ ଦେବସ୍ନାନ ପୂର୍ଣ୍ଣିମା ସହିତ ଗଜାନନ ବେଶ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଜଗନ୍ନାଥ ମନ୍ଦିର ପରିସରରେ ଭକ୍ତିମୟ ପରିବେଶ ସହିତ ଦେବସ୍ନାନ ପୂର୍ଣ୍ଣିମା ନୀତି ଶେଷ ହୋଇଛି। ୧୦୮ ଗରା ସୁବାଷିତ ଜଳରେ ମହାପ୍ରଭୁଙ୍କୁ ସ୍ନାନ କରାଯିବା ପରେ ଗଜାନନ ବେଶ କରାଯାଇଥିଲା। ମୋହନା ଗ୍ରାମର ମୁଖିଆ ପ୍ରତାପ ଚନ୍ଦ୍ର ପାତ୍ର, ପଣ୍ଡିତ ଶିବ ଶଙ୍କର ପଣ୍ଡା, ପ୍ରଭାକର ପାଢି, ଅଂଶୁମାନ ପଣ୍ଡା, ଗଗନ ପାଳ, ଭୋଳା ଶଙ୍କର ସାହୁ, ପ୍ରମୋଦ ରଥ, ବୁଲୁ ରଥ, ମନ୍ଦିର କମିଟି ସଭ୍ୟ ଅଶୋକ କୁମାର ବେହେରାଙ୍କ ସମେତ ଗ୍ରାମ ବାସୀ ଉପସ୍ଥିତ ଥାଇ ମହାପ୍ରଭୁଙ୍କ ସ୍ନାନ ନୀତିରେ ସହଯୋଗ କରିଥିଲେ। ଗ୍ରାମର ଶତାଧିକ ମହିଳା ଓ ପୁରୁଷ ଭକ୍ତ ଏଥିରେ ଯୋଗ ଦେଇଥିଲେ।
ସେହିପରି ଚନ୍ଦ୍ରଗିରି ଠାରେ ମଧ୍ୟ ପ୍ରଭୁଙ୍କ ସ୍ନାନ ଯାତ୍ରାରେ ଶ୍ରୀକାନ୍ତ ପଣ୍ଡା, ରୁନା ସାବତ, ରବି ପୁରେହିତଙ୍କ ଉପସ୍ଥିତରେ ସମସ୍ତ ନିତୀକାନ୍ତି ସମାପନ ହୋଇଛି।
Comments are closed.