ଯାଜପୁର: ଯାଜପୁର ଜିଲା ଦାନଗଦୀ ବ୍ଲକ ଓସ୍ତପାଳ ପଞ୍ଚାୟତର ପ୍ରମୋଦ ନାଥ ଏବଂ ତାଙ୍କ ପତ୍ନୀଙ୍କର ଅକାଳ ମୃତ୍ୟୁ ପରେ ବେସାହାରା ହୋଇଯାଇଛନ୍ତି ତାଙ୍କର ୨ ଝିଅ ଏବଂ ଏକମାତ୍ର ଶିଶୁପୁତ୍ର। ବାପା-ମାଆ ଛେଉଣ୍ଡ ତିନି ସନ୍ତାନଙ୍କ ଆଖିରୁ ଲୁହ ଶୁଖୁନାହିଁ। ଏହି ହୃଦୟ ବିଦାରକ ଖବର ଶୁଣି ତୁରନ୍ତ ଓସ୍ତପାଳ ଗାଁରେ ପହଞ୍ଚିଥିଲେ ସୁକିନ୍ଦା ବିଧାୟକ ତଥା ଗ୍ରାମ୍ୟ ଉନ୍ନୟନ, ଦକ୍ଷତା ବିକାଶ ଓ ବୈଷୟିକ ଶିକ୍ଷାମନ୍ତ୍ରୀ ଇଂ ପ୍ରୀତିରଞ୍ଜନ ଘଡ଼ାଇ। ସମସ୍ତଙ୍କ ସହିତ ଏନେଇ ଆଲୋଚନା କରିବା ପରେ ବଡ଼ ଭଉଣୀ ଇତିଶ୍ରୀଙ୍କ ଉଚ୍ଚଶିକ୍ଷାର ଦାୟିତ୍ୱ ନେବା ସହ ସାନ ଭଉଣୀ ସ୍ମୃତିରେଖା ଓ ପୁଅ ସତ୍ୟଜିତଙ୍କ ପାଠପଢ଼ାର ଦାୟିତ୍ୱ ନେଇଛନ୍ତି ମନ୍ତ୍ରୀ ଘଡ଼ାଇ। ତୁରନ୍ତ ଶୁଦ୍ଧିକ୍ରିୟା ଲାଗି ଆର୍ଥିକ ସହଯୋଗ ପ୍ରଦାନ କରିବା ସହ ଏହି ପରିବାରର ସାମାଜିକ ଦାୟିତ୍ୱ ନେବା ଲାଗି ବିଜେଡି କର୍ମୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଏହାପରେ ଗ୍ରାମର ମୁରବୀମାନଙ୍କ ସହିତ ମଧ୍ୟ ଆଲୋଚନା କରିଛନ୍ତି। ଏନେଇ ମନ୍ତ୍ରୀ କହିଛନ୍ତି ‘‘ମୁଁ ମୋର କର୍ତ୍ତବ୍ୟ କରିଛି। ଅସମୟରେ ସେମାନଙ୍କ ପାଖରେ ଛିଡା ହେବା ଆମ ସମସ୍ତଙ୍କ କର୍ତ୍ତବ୍ୟ। ଏଭଳି ବିପଦ ଭଗବାନ କାହାକୁ ନ ଦିଅନ୍ତୁ’’।
Comments are closed.