ମୋହନା : ମୋହନା ପୁଲିସ ଓ ଚାଇଲ୍ଡ ଲାଇନର ମିଳିତ ଉଦ୍ୟମରେ ମୋହନା ଓ ଚନ୍ଦ୍ରଗିରି ଅଞ୍ଚଳରେ ବିଭିନ୍ନ ହୋଟେଲ, ଗ୍ୟାରେଜ ଓ ଦୋକନାରୁ ୭ ଶିଶୁ ଶ୍ରମିକ ଉଦ୍ଧାର କରାଯାଇଥିବା ଜଣାପଡିଛି। ମୋହନା ଥାନା ଅଧିକାରୀ ପ୍ରଶାନ୍ତ କୁମାର ବେହେରା, ଚାଇଲ୍ଡ ଲାଇନ ନିର୍ଦ୍ଧେଶକ ଦୁର୍ଯ୍ୟୋଧନ କରଡା ଓ ତାଙ୍କ ଟିମ ଏବଂ ପୁଲିସ କର୍ମଚାରୀଙ୍କ ଉପସ୍ଥିତିରେ ଗଞ୍ଜାମ ଜିଲାର ୪ ଜଣ ଶିଶୁ ଶ୍ରମିକ, ମୋହନାର ୨ ଜଣ ଓ ମହେନ୍ଦ୍ରଗଡ ଗ୍ରାମର ଜଣେ ଶିଶୁଙ୍କୁ ଉଦ୍ଧାର କରିଥିଲେ। ସମସ୍ତ ୭ ଜଣ ନାବାଳକ ଶିଶୁ ଶ୍ରମିକଙ୍କୁ ଚାଇଲ୍ଡ ଲାଇନକୁ ମୋହନା ପୁଲିସ ହସ୍ତାନ୍ତର କରିବା ପରେ ସମସ୍ତଙ୍କୁ କାର୍ଯ୍ୟାଳୟରେ ରାତିରେ ରଖି ସକାଳୁ ଶିଶୁ ମଙ୍ଗଳ ସମିତି ପାରଳାଖେମୁଣ୍ଡିକୁ ହସ୍ତାନ୍ତର କରାଯାଇଥିବା କାର୍ଯ୍ୟାଳୟ ସୁତ୍ରରୁ ଜଣା ପଡିଛି।
