ଡେସ୍କ: ୱାଲମାର୍ଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଡୋ ମ୍ୟାକମିଲନଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ବୈଠକ କରିଥିଲେ। ୱାଲମାର୍ଟର ଏକ ଟୁଇଟର ଜବାବରେ ପ୍ରଧାନମନ୍ତ୍ରୀ କହିଛନ୍ତି ଯେ ମ୍ୟାକମିଲନଙ୍କ ସହ ସାକ୍ଷାତ ଫଳପ୍ରଦ ହୋଇଛି। ଶ୍ରୀ ମୋଦୀ କହିଛନ୍ତି ଯେ ସେ ମ୍ୟାକମିଲନଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। ପ୍ରଧାନମନ୍ତ୍ରୀ କହିଛନ୍ତି, ଭାରତ ପୁଞ୍ଜି ବିନିଯୋଗ ପାଇଁ ଏକ ଆକର୍ଷଣୀୟ ଗନ୍ତବ୍ୟସ୍ଥଳ ଭାବରେ ଉଭା ହୋଇଥିବାରୁ ସେ ବହୁତ ଖୁସି।
The meeting with Mr. Doug McMillon, CEO of @Walmart, was a fruitful one. We had insightful discussions on different subjects. Happy to see India emerge as an attractive destination for investment. https://t.co/o6YgFfgbF5
— Narendra Modi (@narendramodi) May 14, 2023
ଏହା ପୂର୍ବରୁ ମେ ୧୧ରେ ମ୍ୟାକମିଲନ୍ ପ୍ରଧାନମନ୍ତ୍ରୀଙ୍କ ସହ ସାକ୍ଷାତ କରିଥିଲେ। ମ୍ୟାକମିଲନ୍ ଟ୍ୱିଟ କରିଥିଲେ, ଆମେ ୨୦୨୭ ସୁଦ୍ଧା ଭାରତରୁ ବାର୍ଷିକ ୧୦ ବିଲିଅନ ଡଲାର ରପ୍ତାନି ଦିଗରେ କାର୍ଯ୍ୟ କରୁଛୁ ଏବଂ ଖେଳନା, ସାମୁଦ୍ରିକ ଖାଦ୍ୟ ଏବଂ ଅନ୍ୟାନ୍ୟ ସାମଗ୍ରୀରେ ଭାରତକୁ ବିଶ୍ୱ ରପ୍ତାନିରେ ଅଗ୍ରଣୀ କରାଇବା ପାଇଁ ଲଜିଷ୍ଟିକ୍ସ, ଦକ୍ଷତା ବିକାଶ ଏବଂ ଯୋଗାଣ ଶୃଙ୍ଖଳାକୁ ଦୃଢ଼ କରିବାକୁ ପ୍ରତିଶ୍ରୁତିବଦ୍ଧ।
Comments are closed.