ଗୋପାଳପୁର: ଗୋପାଳପୁର ପୁଲିସ ଆଜି ମୋବାଇଲ ଓ ବାଇକ ଚୋରି ମାମଲାରେ ଜଣେ ଯୁବକକୁ ଅଟକ ରଖି ତଦନ୍ତ କରୁଛି । ସୂଚନା ପ୍ରକାରେ ଗୋଳନ୍ଥରା ଥାନା ଅଂଚଳର ସୁଶାନ୍ତ କୁମାର ସାହୁର ଗୋପାଳପୁରରେ ୱେଲଡିଂ ଓ ଲେଦ ଦୋକାନ ରହିଛି । ସେଠାରେ ଗୋପାଳପୁରର ଶୁଭମ ସାହୁ କାମ କରୁଥିଲା । କିନ୍ତୁ ଶୁଭମର ବାପାର ମଧ୍ୟ ଗୋପାଳପୁରରେ ସେହିଭଳି ଦୋକାନ ରହିଛି । ଉଭୟ ଅସମୟରେ ମିଳିମିଶି କାମ କରୁଥିଲେ । ଶୁଭମଙ୍କ ବାପା ଲେଦ କାମ ପାଇଁ କିଛି ସାମଗ୍ରୀ ପୂର୍ବରୁ ସୁଶାନ୍ତକୁ ଦେଇଥିଲେ । ରବିବାର ୧୦ ତାରିଖ ରାତିରେ ବାପା ସୁଶାନ୍ତ ଓ ପୁଅ ଶୁଭମ ଉଭୟେ ଗୋପାଳପୁର ସୁଶାନ୍ତଙ୍କୁ ମେସିନ ଦେବାକୁ ଆସିଥିଲେ । ବିଳମ୍ବିତ ରାତି ହେବାରୁ ବାପା ଓ ପୁଅ ସୁଶାନ୍ତଙ୍କ, ଘରେ ରାତ୍ରି ଯାପନ କରିଥିଲେ । ସକାଳୁ ଉଠି ଦେଖିବା ବେଳକୁ ତାଙ୍କ ମୋବାଇଲ ଓ ବାଇକ ଘରେ ନଥିଲା , ଯାହାଫଳରେ ଏହାକୁ ଶୁଭମ ଚୋରି କରି ନେଇଥିବା ସନ୍ଦେହ କରିଥିଲେ । ପରେ ସୁଶାନ୍ତ ଜାଣିବାକୁ ପାଇଲେ କି ତାଙ୍କ ମୋବାଇଲରୁ ସୁଶାନ୍ତ ପ୍ରାୟ ୧ ଲକ୍ଷ ୬୯ ହଜାର ଟଙ୍କା ଆକାଉଣ୍ଟରୁ ଉଠାଣ କରିଦେଇଛନ୍ତି । ପରେ ଶୁଭମକୁ ଖୋଜାଖୋଜି କରିବା ପରେ ନ ମିଳିବାରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ ।ଅଭିଯୋଗ ପ୍ରକାରେ ପୁଲିସ କେସ ନମ୍ବର ୨୭୧/୨୫ ମାମଲା ରୁଜୁ କରି ଅଭିଯୁକ୍ତକୁ କାବୁ କରି ତଦନ୍ତ କରୁଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି
