ଲକ୍ଷ୍ନୌ : ଅନ୍ୟ ଏକ ଘଟଣାକ୍ରମେ ନିଜକୁ ସିବିଆଇ ଅଫିସର ଓ ବିଜେପି କର୍ମକର୍ତ୍ତା ପରିଚୟ ଦେଉଥିବା ଦୁଇ ଜଣ ବ୍ୟକ୍ତିଙ୍କୁ ସିବିଆଇ ଗୁରୁବାର ଗିରଫ କରିଛି। ସେମାନେ ବିଧାୟକ ସେନ୍ଗରଙ୍କ ପତ୍ନୀ ସଙ୍ଗୀତା ସିଂହଙ୍କଠାରୁ ମାମଲା ରଫାଦଫା କରିଦେବା ତଥା ବିଧାୟକଙ୍କ ବିରୋଧରେ ଆଗତ ମାମଲା ବନ୍ଦ କରିଦେବା ପାଇଁ କୋଟିଏ ଟଙ୍କା ଦାବି କରିଥିବା ଅଭିଯୋଗ ହୋଇଥିଲା। ସମ୍ପୃକ୍ତ ଦୁଇ ଜଣଙ୍କ ଲକ୍ଷ୍ନୌର ବିଜୟ ଓ ଆଲୋକ ବୋଲି ଚିହ୍ନଟ କରାଯାଇଥିବା କହିଛନ୍ତି ଲକ୍ଷ୍ନୌ ଏସ୍ପି ଦୀପକ କୁମାର। ସୂଚନାନୁଯାୟୀ, ସଙ୍ଗୀତା ବାସ କରୁଥିବା ଇନ୍ଦିରା ନଗର ଘରକୁ ମେ ୫ରେ ଏକ ଅଜଣା ନମ୍ବରରୁ ଫୋନ୍ ଆସିଥିଲା ଓ ଉପରୋକ୍ତ ଦୁଇ ଜଣ ବ୍ୟକ୍ତି ବିଧାୟକଙ୍କୁ ସୁରୁଖୁରୁରେ ଖଲାସ କରିଦେବାର ପ୍ରତିଶ୍ରୁତି ଦେବା ସହ ଏଥିପାଇଁ କୋଟି ଟଙ୍କା ଦାବି କରିଥିଲେ। ସଙ୍ଗୀତା ଏତେ ଟଙ୍କା ଦେବା ନେଇ ଅକ୍ଷମତା ପ୍ରକାଶ କରିବାରେ ସେମାନେ ୫୦ଲକ୍ଷକୁ ଖସିଥିଲେ। ପର ଦିନ ସେମାନେ ଅନ୍ୟ ଏକ ନମ୍ବରରୁ ଫୋନ୍ କରିଥିଲେ। ଜଣେ ନିଜକୁ ରାଜୀବ ମିଶ୍ର ନାମରେ ସିବିଆଇ ଅଫିସର ବୋଲି ପରିଚୟ ଦେଇଥିଲେ ଏବଂ ମେ ୭ରେ ଲକ୍ଷ୍ନୌସ୍ଥିତ ସିବିଆଇ କାର୍ଯ୍ୟାଳୟକୁ ଆସି ଉପରୋକ୍ତ ଟଙ୍କା ଦେବାକୁ ସଙ୍ଗୀତାଙ୍କୁ କହିଥିଲେ। ସଙ୍ଗୀତା ଏ ସମ୍ପର୍କରେ ପ୍ରଥମେ ନିଜ ସମ୍ପର୍କୀୟଙ୍କୁ ଜଣାଇବା ପରେ ଗାଜିପୁର ପୁଲିସକୁ ଅବଗତ କରିଥିଲେ।
Popular Categories
Previous article
Next article