କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବେଲକଣାରେ ଥିବା ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ଦ୍ଵାରା ପରିଚାଳିତ ସେବାଶ୍ରମ ପରିଦର୍ଶନ କରିଛନ୍ତି ବିଧାୟକ ନୀଳମାଧଵ ହିକକା । ବିଦ୍ୟାଳୟରେ ୧୫ ମ୍ୟାଲେରିଆରେ ଆକ୍ରାନ୍ତ ହୋଇଥିବା ଖବର ସମାଜରେ ପ୍ରକାଶ ପାଇବା ପରେ ସୋମବାର ଅପରାହ୍ନରେ ବିଧାୟକ ନୀଳମାଧଵ ହିକକା ଗସ୍ତ କରି ସେବାଶ୍ରମରେ ଛାତ୍ର ଛାତ୍ରୀଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ସୁନନ୍ଦା କୁମାର ଜେନାଙ୍କ ସହ ଛାତ୍ରଛାତ୍ରୀଙ୍କ ବିଷୟରେ ଆଲୋଚନା କରିଥିଲେ । ବିଧାୟକଙ୍କ ଗସ୍ତ ସମୟରେ ସାଂସଦ ପ୍ରତିନିଧି କୁମାର ସ୍ୱାମୀ କୌଶଲ୍ୟା, ବ୍ଲକ ସଭାପତି ସି ହେଚ ନାଗେଶ ରାଓ, ଗୁଡୁଲ୍ଲା ପ୍ରସାଦ ରାଓ , ଏସି ସେଲ ର ଜିଲା ଉପସଭାପତି ଚିତ୍ତରଞ୍ଜନ ଗାଣ୍ଟା, ପଞ୍ଚାୟତ ସଭାପତି ଲିଙ୍ଗିଡି ଲକ୍ଷ୍ମଣ ସମେତ ବହୁ ଦଳୀୟ କର୍ମୀ ନେତା ଉପସ୍ଥିତ ରହିଥିଲେ ।
Comments are closed.