ଚେନ୍ନଇ/ବେଙ୍ଗାଲୁରୁ : ଦ୍ରାବିଡ ମୁନେତ୍ର କାଜଗହମ (ଡିଏମକେ) ଅଧ୍ୟକ୍ଷ ଏମେକେ ଷ୍ଟାଲିନ ଏବଂ କର୍ଣ୍ଣାଟକ ମୁଖ୍ୟମନ୍ତ୍ରୀ ତଥା ଜନତା ଦଳ ସିକ୍ୟୁଲାର (ଜେଡିଏସ) ନେତା ଏଚ.ଡି କୁମାରସ୍ୱାମୀ ନିଜ ପୁଅଙ୍କୁ ଦଳର ଗୁରୁତ୍ୱପୂର୍ଣ୍ଣ ପଦରେ ଅବସ୍ଥାପିତ କରିଛନ୍ତି।
ଗୁରୁବାର ଏମେ କେ ଷ୍ଟାଲିନଙ୍କ ପୁଅ ତଥା ଅଭିନେତା ଉଦୟାନିଧିଙ୍କୁ ଡିଏମେ ଛାତ୍ର ମଞ୍ଚର ସମ୍ପାଦକ ପଦରେ ନିଯୁକ୍ତି ଦିଆଯାଇଛି। ଉଦୟାନିଧି କେତେକ ତାମିଲ ଚଳଚ୍ଚିତ୍ରରେ ଅଭିନେତା ଭାବେ କାର୍ଯ୍ୟ କରିଛନ୍ତି ଓ ଏବେ ରାଜନୈତିକ ଜୀବନ ଆରମ୍ଭ କରିବାକୁ ଯାଉଛନ୍ତି। ତାଙ୍କ ବାପା ଏମେ ଷ୍ଟାଲିନ ମଧ୍ୟ ପୂର୍ବରୁ ଏହି ପଦରେ ଥିଲେ। ଏପର୍ଯ୍ୟନ୍ତ ଏହି ପଦ ଭେଲାକୋଲି ସ୍ୱାମୀନାଥନଙ୍କ ପାଖରେ ଥିଲା। କିଛି ଦିନ ତଳେ ସେ ନିଜ ପଦରୁ ଇସ୍ତଫା ଦେଇଥିଲେ। ତାଙ୍କ ସ୍ଥାନରେ ଉଦୟାନିଧିଙ୍କୁ ଏହି ପଦର ଭାର ଦିଆଯାଇଛି।
ସେହିପରି ଏଚ.ଡି କୁମାରସ୍ୱାମୀଙ୍କ ପୁଅ ନିଖିଲ କୁମାରସ୍ୱାମୀଙ୍କୁ ଜେଡିଏସ ଯୁବ ମଞ୍ଚର ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଛି। ଏଚଡି ଦେବଗୌଡ଼ାଙ୍କ ନିଷ୍ପତ୍ତିକୁ ସେ ସମ୍ମାନ ଜଣାଉଛନ୍ତି ଓ ଦଳ ପାଇଁ କାର୍ଯ୍ୟ କରିବେ ବୋଲି ନିଖିଲ କହିଛନ୍ତି।
