ନିଜ ଗ୍ରାମରେ ପହଂଚିଲା ହଜିଯାଇଥିବା ମିଟୁ ପାଣ୍ଡେ,- ଖୁସିରେ ଆତ୍ମହରା ପରିବାର ଲୋକେ, ସ୍ୱାଗତ କଲେ ଗ୍ରାମବାସୀ

ବୌଦ୍ଧ, :୧୦ ବର୍ଷ ହେଲା ନିଖୋଜ ରହିଥିବା ମିଟୁ ପାଣ୍ଡେ ଶେଷରେ ନିଜ ଘରେ ପହଂଚିଲା । ମିଟୁ ପାଣ୍ଡେକୁ ଦେଖି ଖୁସିରେ ପରିବାର ଲୋକେ ଆତ୍ମହରା ହୋଇପଡିଥିବା ବେଳେ ଗ୍ରାମବାସୀମାନେ ସ୍ୱାଗତ କରିଥିଲେ ।

ମାନସିକ ବିକୃତି ଥିବା ମିଟୁ ପାଣ୍ଡେ ନିଶା ସେବନ କରି ଦିନ ସାରା ବୌଦ୍ଧ ବଜାରରେ ବୁଲୁଥିବା ବେଳେ ଉତ୍ସର୍ଗର ଆବାହକ ସଂପଦ କୁମାର ଅଗ୍ରୱାଲା ଏବଂ ସଦସ୍ୟ ଲୋକନାଥ ଗୁପ୍ତା ଠାବ କରିଥିଲେ । ଖୋଜାଖୋଜି କରି ତାଙ୍କ ପରିବାର ସହ ଯୋଗାଯୋଗ କରି ମିଟୁ ସଂପର୍କରେ ସୂଚନା ଦେଇଥିଲେ । ପରିବାର ଲୋକେ ଆସି ସ୍ୱେଚ୍ଛାସେବୀ ଅନୁଷ୍ଠାନ ଉତ୍ସର୍ଗର ସଦସ୍ୟ ଏବଂ ଜିଲା ପ୍ରଶାସନ ସହାୟତାରେ ନିଜ ଗ୍ରାମକୁ ସୁରକ୍ଷିତ ଭାବେ ଫେରିଥିଲେ ।